صدر ممنون حسین دی ڈاکٹر طلال ابو غزالے دی سربراہی اچ وفد نال گالھ مہاڑ

اسلام آباد ۔ 19 اکتوبر(اے پی پی) صدر ممنون حسین آکھیا جو حکومت پائیدار ترقی دے حصول،شفافیت اتے بہتر حکمرانی سانگے انفارمیشن ٹیکنالوجی ،آئی سی ڈیز توں فائدہ چیندی پئی اے۔آئی سی سیکٹر پاکستان اچ اقتصادی ترقی سانگے ہک پرکشش شعبہ بنڑ گئے ۔اے گالھ انہاں بدھ کوں ایوان صدر اچ طلال ابو غرالے (ٹیگ)تنظیم دے صدر ڈاکٹر طلال ابو غرالے دی سربراہی اچ وفد نال ملاقات وچ آکھی۔صدر مملکت ٹیگ تنظیم دی کوششاں کوں سراہندیں ہوئیں آکھیا جو سماجی تعلقات اتے اقتصادی ترقی اچ انفارمیشن ٹیکنالوجی دے شعبے بہوں اہم کردار نبھائے ۔انہاں پائیدار ترقی دے حصول سانگے ڈاکٹر ابوغرالے دی سرپرستی اچ مختلف شعبیاں اچ شراکت داری دی تعریف کیتی اے۔صدر مملکت ڈاکٹر غرالے دی پاکستان اتے اردن دے تعلقات کوں بئیا ودھاونڑ سانگے کوششاں کوں سراہیا۔صدر مملکت آکھیا جو مسلم امہ انفارمیشن ٹیکنالوجی دے شعبے اچ ودھ توں ود ھ تعاون اتے سانجھے منصوبیاں کوں بہتر بنڑاونڑ سانگے آئی سی ٹی اتے سائنسی علوم کوں استعمال کرنڑ چاہندی اے۔