اسلام آباد۔ 30 اکتوبر (اے پی پی)وزیر اعظم دے معاون خصوصی ڈاکٹر آصف کرمانی آکھے جو عمران خان دی پاکستان اتے جمہوریت دے خلاف سازشاں 2 نومبر کوں مُک سمسن۔ عوام نواز شریف دے امن، ترقی اتے خوشحالی دے ایجنڈے دی تکمیل چاہندی ہے ۔ اتوار کوں جاری بیان دے مطابق وزیر اعظم دے معاون خصوصی ڈاکٹر آصف کرمانی آکھے جو بھارتی وزیر اعظم نریندر مودی اتے عمران خان سی پیک منصوبے کوں ناکام بنڑاونڑ دے ایجنڈے اُتے ٹر دے پئے ہن۔ انہاں آکھیا جو عمران خان کوں قائد اعظم دے پاکستان اچ افراتفری مچاونڑ دی اجازت کائناں ڈتی ویسی ۔ آئین اتے قنون دی پاسداری ٓاُتے عملدرآمد کوں یقینی بنڑیسوں۔
