لندن دے میئر صادق خان با اثر ترین ایشیائی شخصیت قرار

لندن
۔27 اکتوبر (اے پی پی) برطانوی تاریخ اچ پہلی واری دارالحکومت لندن دے مسلم میئر منتخب تھیونڑ آلے پاکستانی نژاد برطانوی سیاستدان صادق خان کوں برطانیہ دی ساریں توںبا اثر ترین ایشیائی شخصیت ہوونڑ دا اعزاز حاصل تھی گیاہے ۔میڈیا رپورٹس دے مطابق برطانیہ اچ جنوبی ایشیائی باشندیں دی کامیابی دے جشن مناونڑ دے حوالے نال جی جی ٹو لیڈر شپ ایوارڈ دی سالانہ تقریب اچ لندن دے میئر صادق خان کوں برطانیہ دی ساریں توں ودھ چنگی شخصیت دے طور تے من گھدا گے ۔معروف برطانوی پبلشنگ ہاﺅس ایشن میڈیا اینڈ مارکیٹنگ گروپ برطانیہ دے ممتاز ایشیائی شخصیات دی نویں فہرست جاری کر ڈتی ہے جیں اچ جنوبی ایشیائی برادری توں کئی بے مثال شخصیات ناواں کوں شامل کیتا گیا ہے ۔جی جی ٹو پاور لسٹ دے مطابق 2017سانگے برطانیہ دی با اثر ترین شخصیات دی فہرست اچ پاکستانی نژاد برطانوی سیاست دان ساجد جاوید اتے نوبل انعام یافتہ ملالہ یوسف زئی سمیت برطانوی گلوکار زین ملک دے ناں شامل ہن