رحیم یار خان۔11 اکتوبر(اے پی پی )صوبائی وزیر صنعت تے تجارت چوہدری محمد شفیق آکھیا ہے جو مذہبی گھٹ جوڑ تے اخوت تے یگانگت سانگے علماء کرام دیاں کوششاں چنگیاں ہن،تاں جو ملک دے موجودہ سرحدی حالات اتے محرم الحرام دے حساس ڈینہاں پاروں مذہبی رواداری دی پہلے توں ودھ ضرورت ہے ،کیوں جو دشمن اساڈے اتحاد اچ لت اڑا تے بد امنی کھنڈاونڑ دی ودھ کوشش کر سگدا ہے ،اے گالھ مہاڑ انہاں رحیم یار خان تے صادق آباد اچ مختلف جہیں تے لوکاں نال گالھ مہاڑ کریندے ہوئیں آکھی ۔صوبائی وزیر آکھیا جو وزیراعلیٰ پنجاب محرم دے شروع تھیونڑ توں پہلے سیکورٹی اتے انتظامی کم کار پورے کرنڑ کیتے صوبائی کابینہ سمیت سارے اعلیٰ افسراں کوں ذمے واریاں ڈتیاں ،جیں دی او براہ راست خود نگرانی کریندے رہیے ۔انہاں آکھیا جو عوام دی جان تے مال دی حفاظت کوں یقینی بنڑاونڑ سانگے حکومت پنجاب اعلیٰ تعلیم تے تربیت یافتہ پنج ہزار نینگراں دی خصوصی فورس بنڑائی ہے ،جیں دی تعداد کوں ودھا تے 10ہزار کر ڈتا گے ،جیں دا کم صرف صوبے اچ حفاظتی کم کار سانبھنڑ ہے ۔انہاںمحرم دے حوالے ضلعی انتظامیہ دے اقدامات تے تسلی ظاہر کیتی ۔
