نیویارک ۔ 12 اکتوبر (اے پی پی) مسئلہ کشمیر سانگے وزیراعظم دے خصوصی نمائندیں سینیٹر مشاہد حسین سید اتے ڈاکٹر شذرہ منصب اقوام متحدہ دی جنرل اسمبلی دے صدر پیٹر تھومسن کو ںمقبوضہ کشمیر اچ انسانی حقوق دیاں خلاف ورزیاں متعلق دستاویزات پیش کرڈتیاں۔ کشمیر تے وزیر اعظم دے خصوصی نمائندیں سینیٹر مشاہد حسین اتے ایم این اے ڈاکٹر شذرہ منصب علی ہک ہفتے بعد واشنگٹن توں نیویارک پجے۔ ایں موقع تے اقوام متحدہ اچ پاکستان دی مستقل مندوب ڈاکٹر ملیحہ لودھی وی ایں موقع تے موجود ہن۔ بدھ کوں جاری پریس ریلیز دے مطابق خصوصی نمائندیںاقوام متحدہ دی جنرل اسمبلی دے صدر پیٹر تھومسن کو ں مقبو ضہ کشمیر اچ بھا ر تی ظلم بارے ڈسایا ۔ ڈاکٹرشذرہ بھارتی فورس ولوں نشوم تے پر امن کشمیری مظاہرین تے جبر تے بربریت دے حوالے نال تفصیل ڈسائی ۔انہاں آکھیا جو مقبوضہ وادی اچ بھارتی فورسز ولوںپیلٹ گنز دے استعمال دے نتیجے اچ سینکڑاں دی تعداد اچ لوک بینائی توں محروم تھی گے ہن ،جیں اچ بال تے تریمتاں شامل ہن ،سینیٹر مشاہد حسین سید بھارتی جنگی جنون تے مقبوضہ کشمیر اچ کشمیریاں دے حق خود ارادیت کوں دباونڑ سانگے اپنڑی بر بریت نال دنیا دی توجہ ہٹاونڑ دی کوشش بارے تفصیل نال ڈسایا اتے ایں ضمن اچ جنرل اسمبلی دے صدر پیٹر تھامسن دی توجہ ڈیوائی ،جنرل اسمبلی دے صدر پیٹر تھامسن صورت حال تے تشویش دا اظہار کیتا اتے خصوصی نمائندیں کوں یقین ڈوایا جو او امن دے ودھارے سانگے ہر ممکن کوشش کریسن ۔
