ملک دے بہوں سارے میدانی علاقیاں اچ موسم گرم اتے رُکھا راہونڑ دا امکان

اسلام آباد ۔ 11 اکتوبر (اے پی پی) محکمہ موسمیات آندے 24گھنٹیاںاچ ملک دے بہوں سارے میدانی علاقیاں اچ موسم گرم اتے رُکھے راہونڑ دے امکان کوں ظاہر کیتے۔ جڈانجو مالاکنڈ ڈویژن ، گلگت بلتستان،کشمیر اتے ایندے نال دے پہاڑی علاقیاں اچ کجھ جاہیں تے تیز ہوائیں اتے گرج چمک نال بارش دا امکان ہے۔ منگل کوں محکمہ موسمیات دی جاری رپورٹ دے مطابق آندے 48گھنٹیاںاچ ملک دے بہوں سارے علاقیاں اچ موسم گرم اتے رُکھا راہسی ۔ جڈانجو کشمیر اتے گلگت بلتستان اچ کجھ جاہیں تے گرج چمک نال بارش دا امکان ہے۔ گزریل 24 گھنٹیاںاچ ملک دے بہوں سارے علاقیاں اچ موسم گرم اتے رُکھا ریہا۔ گزریل ڈینھ تربت اچ 42،رحیم یار خان 40، اتے سبی تے لسبیلہ اچ 39 ڈگری سینٹی گریڈ درجہ حرارت ریکارڈ کیتا گیا۔