میڈیا کوں ایل او سی دا دورہ کرواتے بھارتی سرجیکل سٹرائیک دی حقیقت دنیا کو ں ڈکھا ڈتی ،سینیٹرلیفٹیننٹ جنرل (ر) عبدا لقیوم

اسلام آباد ۔3اکتوبر (اے پی پی)پاکستان مسلم لیگ (ن) دے سینیٹرلیفٹیننٹ جنرل (ر) عبدا لقیوم آکھیا ہے جو بھارت ولوں سرجیکل سٹرائیک دابیان احساس کمتری دا نتیجہ ہے۔ ریڈیو پروگرام اچ گالھ مہاڑ کریندے ہوئیں انہاں آکھیا جو بھارت اچ ہر بر اقتدار آونڑ آلی حکومت ولوں اہم بیان پاکستان تے حملہ ہوندا ہے ایں ویلھے حکمران دی جماعت بی جے پی دے سربراہ نریندر مودی دا کردار آر ایس ایف دا کردار ہے انہاں ولوں سرجیکل سٹرائیک دا بیان احساس کمتری کوں ظاہر کریندا ہے جیں دی وڈی وجہ مقبوضہ کشمیر اچ بھارت ولوں کیتیاں ونجنڑ آلیاں انسانی حقوق دیاں پامالیاں نال دنیا دی توجہ ہٹاونڑ ہے کیوں جو انسانی حقوق دیاں تنظیماں تے او آئی سے ایں گالھ دا اعلان کر ڈتا ہے جو کشمیر اچ کیتے گے ظلم دی رپورٹ عالمی برادری دے سامنڑے پیش کیتی ونجنڑی چاہیدی ہے جیں دے بعد بھارت اوڑی جیہوجے واقعے دا ڈھونگ رچایا ہے جیں اچ ناکامی دا منہ ڈیکھنڑاں پیا اتے وختی بعد پاکستان اچ سرجیکل سٹرائیک دا بیان جاری کر ڈتا ۔جنرل عبد القیوم آکھیا اساں اینکوں کوڑا ثابت کر ڈتا ہے تے پاکستانی میڈیا کوں ایل او سی دا دورہ کروا تے شواہد پیش کریندے ہوئیں دنیا کوں حقیقت ڈکھا ڈتی ،انہاں آکھیا جو ہنڑ بھارت دا میڈیا اپنڑی حکومت توں سرجیکل سٹرائیک دے ثبوت منگدا ہے ۔ انھاں آکھیا جو کشمیر دا مسئلہ حل وی تھی ونجے تاں اپنڑے مفادات دا تحفظ کریندے ہوئیں بھارت تے اعتماد نی کرنڑاں چاہیدا کیوں جو بھارتی قیادت دی ذہنیت تبدیل نی تھی سگدی ۔