اسلام آباد ۔ 3 اکتوبر (اے پی پی) وزارت منصوبہ بندی تے ترقیات ایں مالی سا ل 2016-17ء دے سرکاری شعبے دے ترقیاتی پروگراماں اچ مختلف وزارتاں اتے ڈویژناں دے ترقیاتی منصوبیاں کیتے مجموعی طور تے ہک کھرب 10 ارب 44 کروڑ 82 لکھ روپے توں ودھ دے فنڈز جاری کرڈتے ہن ۔ حکومت جاری مالی سال اچ سرکاری شعبے دے ترقیاتی پروگراماں کیتے 8 کھرب روپے دے فنڈز رکھے ہن ۔ پلاننگ کمیشن ولوں جاری کیتی گئے اعداد و شمار دے مطابق حکومت ایوی ایشن ڈویژن کیتے ہک کروڑ 69 لکھ’ کابینہ ڈویژن کیتے 8 کروڑ 60 لکھ’ کیپیٹل ایڈمنسٹریشن اینڈ ڈویلپمنٹ ڈویژن کیتے 63 کروڑ 19 لکھ’ ڈیفنس پروڈکشن ڈویژن کیتے 46 کروڑ’ فیڈرل ایجوکیشن اینڈ پروفیشنل ٹریننگ ڈویژن کیتے 33 کروڑ 97 لکھ’ فنانس ڈویژن کیتے 51 کروڑ’ ہائر ایجوکیشن کمیشن کیتے 4 ارب 29 کروڑ’ ہائوسنگ اینڈ ورکس ڈویژن کیتے ہک ارب 82 کروڑ’ داخلہ ڈویژن کیتے 2 ارب 64 کروڑ’ صحت دیاں سہولتاں چنگیاں کرنڑ سانگے 5 ارب 50 کروڑ’ پاکستان اٹامک انرجی کمیشن کیتے 2 ارب 70 کروڑ’ منصوبہ بندی ڈویژن کیتے 2 ارب 15 کروڑ’ ریلویز ڈویژن کیتے 9 ارب 37 کروڑ’ سپارکو کیتے 40 کروڑ’ پانڑیںتے بجلی ڈویژن کیتے 3 ارب 29 کروڑ’ نیشنل ہائی وے اتھارٹی کیتے 18 ارب 88 کروڑ’ واپڈا پاور سیکٹر کیتے 6 کروڑ 92 لکھ’ اے جے کے بلاک کیتے 2 ارب 75 کروڑ’ گلگت بلتستان بلاک کیتے 4 ارب 50 کروڑ’ سیفران فاٹا کیتے 4 ارب 13 کروڑ’ ایراکیتے 80 کروڑ اتے وفاقی حکومت دے عارضی طور پر بے گھر تھیونڑآلیاں دی بحالی کیتے 41 ارب 22 کروڑ اتے پرائم منسٹر یوتھ اینڈ ہنر مند پروگرام کیتے 1 ارب 41 کروڑ’ پٹرولیم تے قدرتی وسائل ڈویژن کیتے 5 کروڑ’ پورٹس اینڈ شپنگ ڈویژن کیتے 25 کروڑ سمیت مختلف ترقیاتی منصوبیاں کیتے فنڈز جاری کرڈتے ہن ۔ پلاننگ کمیشن ہک خاص طریقہ کار دے تحت سرکاری شعبے دے مختلف ترقیاتی منصوبیاں کیتے فنڈز جاری کر یندا پئے ۔
