اسلام آباد ۔ 11 اکتوبر (اے پی پی) ترکی کشمیر کازسانگے اپنڑی مضبوط اتے روایتی حمایت دا اعادہ کریندے ہوئیں آکھیا ہے جو کشمیر دا مسئلہ حل نہ تھیا تاں تشویشناک ہے ایں خطے اچ امن تے استحکام تے منفی اثر پمسی ۔منگل کوں جاری تھیونڑ آلی پریس ریلیز دے مطابق ترکی دے دورے تے گے ہوئے کشمیر دے مسئلے متعلق وزیراعظم دے خصوصی نمائندیں محمد پرویز ملک اتے محسن شاہنواز رانجھا ترکی دی پارلیمانی قیادت، میڈیا، سول سوسائٹی اتے تھینک ٹینکس نال ملاقاتاں کیتیاں اتے انہاں کوں مقبوضہ کشمیر اچ بھارتی ظلم تے اتھاں تھیونڑ آلیاں انسانی حقوق دیاں خلاف ورزیاں بارے ڈسایا ۔خصوصی نمائندے ترک گرینڈ اچ نیشنل اسمبلی (ٹی جی این اے ) دے سپیکر نال وی ملاقات کیتی اتے انہاں کوں مقبوضہ کشمیر دی صورت حال بارے بریفنگ ڈتی ۔انہاں ڈسایا جو کشمیری رہنمابرہان وانی دی شہادت نال مقبوضہ کشمیر اچ آزادی دی نویں لہر اٹھی جیں کوں بھارتی فوج دباونڑ سانگے نہتے کشمیریاں تے ظلم کیتا ۔انہاں آکھیا جو کشمیر دا مسئلہ اقوام متحدہ دیاں قراداداں دے مطابق حل حل تھیونڑ دی ضرورت ہے ۔انہاں کشمیری عوام دی مدد تے پاسپورٹ تے ترکی دے اصولی موقف تے انہاں دا شکریہ ادا کیتا ۔ٹی جی این اے دے سپیکر مقبوضہ کشمیر دی موجودہ صورتحال متعلق بریفنگ تے پاکستانی وفد دا شکریہ ادا کیتا اتے انہاں کوں کشمیر دے مسئلے دے حل دے بغیر جنوبی ایشیا دے خطے اچ دیر تئیں امن تے استحکام قائم نی کیتا ونج سگدا ۔
