وزیراعظم محمد نوازشریف دا پاکستان مسلم لیگ (ن) دی مرکزی مجلس عاملہ دے اجلاس توں خطاب

کشمیریاں دی جائز جدوجہد آزادی کوں دہشت گردی نال رلاونڑ بھارت دی افسوسناک غلطی ہے، دنیا دی کوئی طاقت اساں کوں کشمیر یاں دی آزادی دی جدو جہد توں کائنی روک سگدی، منفی سیاست دے ذریعے پاکستان کوں مفلوج کر نڑ آلے2014وانگوں ایں واری وی ناکام تھی ویسن
اسلام آباد ۔ 10 اکتوبر (اے پی پی) وزیراعظم محمد نوازشریف کشمیر کاز دی ودھ ساری حمایت دے عزم دا اعادہ کریندے ہوئیں کشمیریاں دی جائز جدوجہد آزادی کوں دہشت گردی نال رلاونڑ بھارت دی افسوسناک غلطی ہے ،دنیا دی کوئی طاقت اساں کوں کشمیریاں دی آزادی دی جدوجہد دی حمایت توں نی روک سگدی ،موجودہ حکومت دا ایجنڈا ترقی تے خوشحالی ہے ،کجھ لوک ملک اچ تقی دے عمل کوں پٹڑی توں لہاونڑ چاہندے ہن ،او کجھ محض احتجاج دی سیاست تے یقین رکھیندے ہن اتے منفی سیاست دے ذریعے پاکستان کوں مفلوج کرنڑ چاہندے ہن او 2014وانگوں ایں واری دی گندی طرح ناکام تھی ویسن ۔انہاں اے گالھ مہاڑ سنوار کوں پاکستان مسلم لیگ ن دی مجلس عاملہ دے اجلاس توں صدارت کریندے ہوئیں کیتی ۔وزیراعظم آکھیا جو کشمیر کازسانگے پر عزم ہن ،پاکستان کشمیر کاز دی حمایت کریندا رہسی ۔وزیراعظم آکھیا جو برہان الیدن وانی جیں کوں بھارتی سیکورٹی فورسز شہید کر ڈتا ہا ،ہک حریت پسند ہن اتے کوئی انہاں توں اے فخر نی کھس سگد ا۔انہاں آکھیا جو 2013اچ اساں اقتدار سانبھیا تاں کئی چیلنجز سامنڑے ہن اساں اطمینان بخش انداز اچ انہاں چیلنج تے قابو پیند ے رہیے ،دہشت گردی دیاں سرگرمیاں چنگے طور تے تلے آلیاں ،معیشت مستحکم تھی ،وزیراعظم ملک اچوں توانائی دے بحران دا ذکر کریندے ہوئیں آکھیا جو اساں توانائی دے چیلنج تے قابوپاونڑ سانگے ڈینھ رات کم کریندے پیوں اتے توانائی دی گھٹکی پرے کرنڑ سانگے کوشش ہے ،2018تئیں 10ہزار میگاواٹ توں ودھ بجلی نیشنل گرڈ اچ شامل کیتی ویسی ،اتے 2018اچ لوڈشیڈنگ دا خاتمہ تھی ویسی اساں بھاشا ڈیم دی اراضی دے حصول سانگے 100ارب ڈتے ہن اتے ہنڑ اراضی حاصل کر گھدی گی ہے ،وزیراعظم آکھیا جو کراچی اپشین سارے فریقین دے مشور ے نال تھیا جیں دے چنگے نتیجے سامنڑے آندے پئے ہن ،انہاں آکھیا جو اساں تھر دی ترقی سانگے وی کم کریندے پیوں اتے ایں علاقے اچ کان کنی دا آغاز تھی گیا ہے جڈاں جو تھر اچ کولیں نال چلنڑ آلے بجلی گھر وی بنڑائے ویندے پن ایجھا گزریل 70سال اچ وی نی تھیا ۔وزیراعظم آکھیا جو بین الاقوامی منڈیاں اچ زرعی مصنوعات دی گھٹکی ے اساں کاشت کاراں دی تلافی کریسوں ،بلوچستان اچ سولر ٹیوب ویل دی تنصیب سانگے سبسڈی ڈیسوں ۔انہاں آکھیا جو 46ارب ڈالر لاگت دے پاک چین اقتصادی راہداری منصوبے نال ملک اچ بنیادی ڈھانچے دی ترقی دے منصوبے جاری ہن ایندے نال ودھ فائدہ بلوچستان کوں تھیسی ۔ملک اچ ہک ہزار ارب روپے دی لاگت نال موٹر ویز دی تعمیر کیتی ویندی پئی ہے اساں سماجی شعبے دی ترقی تے کم کریندے پیوں ،آندے 18مہینے اچ مزید کئی ہسپتال وی تعمیر کیتے ویسن ،وزیراعظم آکھیا جو اساڈا ایجنڈا ترقی تے خوشحالی ہے کجھ لوک ترقی دے عمل کوں پٹڑی توں لہاونڑ چاہندے ہن او صرف احتجاج دی سیاست تے یقین رکھیندے ہن