پاکستان اتے بیلاروس تجارت، کاروبار تے سرمایہ کاری دے ودھارے سانگے ٹھوس بنیاداں استوار کر یندے پیوں، پاکستان بیلاروس دے نال معیشت اتے تجارت سمیت سارے شعبیں اچ تعلقات دے ودھارے چاہندے، ڈوہیں ملکاں وچال وسیع تر اعلیٰ سطح دے تبادلے دا تسلسل برقرار رکھنڑ دی ضرورت ہے، ہمسائیں دے نال چنگے تعلقات بنڑاونڑ دی پالیسی دی پیروی کریندے پیوں ، بھارت مقبوضہ کشمیر اچ سنگین صورتحال نال عالمی برادری دی توجہ ہٹاونڑ سانگے دانستہ طورتے لائن آف کنٹرول تے کشیدگی اچ ودھارا کیتا
اسلام آباد ۔ 5 اکتوبر (اے پی پی) وزیراعظم محمد نوازشریف آکھیا ہے جو پاکستان اتے بیلاروس تجارت، کاروبار تے سرمایہ کاری دے ودھارے سانگے ٹھوس بنیاداں استوار کر یندے پیوں، پاکستان بیلاروس دے نال معیشت اتے تجارت سمیت سارے شعبیں اچ تعلقات دے ودھارے چاہندے، ڈوہیں ملکاں وچال وسیع تر اعلیٰ سطح دے تبادلے دا تسلسل برقرار رکھنڑ دی ضرورت ہے، ہمسائیں دے نال چنگے تعلقات بنڑاونڑ دی پالیسی دی پیروی کریندے پیوں ، بھارت مقبوضہ کشمیر اچ سنگین صورتحال نال عالمی برادری دی توجہ ہٹاونڑ سانگے دانستہ طورتے لائن آف کنٹرول تے کشیدگی اچ ودھارا کیتا۔انہاں اے گالھ بدھ کوں وزیرا عظم ہائوس اچ بیلارو س دے صدر الیگزینڈر لوکاشنکو دے نال وفداں سطح تے مذاکرات کریندے ہوئیں آکھی ۔بیلاروس دے صدر پاکستا ن دے ترائے ڈینھ دے دورے تے ہن ۔وفددا خیر مقدم کریندے ہوئیں وزیراعظم آکھیا جو بیلاروس دے نال اپنڑے تعلقات کوں بہوں اہمیت ڈیندوں اتے ڈوہیں ملکاں وچال پر جوش ،خوشگوار اتے ودھ سارے رابطے استوا رہن ۔انہاں آکھیا پاکستان بیلاروس دے نال معیشت تجارت ،سرمایہ کاری صنعت تعلیم ،دفاع ،زراعت ،ثقافت سمیت سارے شعبے اچ تعلقات دا ودھارا چاہندے ۔انھاں آکھیا جو پاکستان اج ساریں توں ودھ سرمایہ کار دوست ملک اچوں ہک ہے جیرھا جو شاندار سرمایہ کاری دے موقع اتے تقریبا 20کروڑ لوکاں دی وڈی مارکیٹ پیش کریندا پئے ۔وزیر اعظم آکھیا جو ڈوہیں ملکاں دے تجارتی تعلقات اچ رکاوٹاں دی نشاندہی اتے مسلیں دے حل سانگے مشترکہ تجارتی کمیٹی دا قیام ہک اہم ذریعہ ہے ۔انہاں آکھیا جو سانجھی اقتصادی کمیشن اتے سانجھی تجارتی کمیٹی انہاں ایشوز دی سرگرمی نال پیروی کریندے پن ۔وزیراعظم بیلاروس دے صدر کوں ڈسایا جو انہاں دی حکومت معیشت دی بحالی تے توانائی دی گھٹکی تے قابو پاونڑ تے توجہ ڈتی ہوئی ہے ۔اساں بہتر اسلوب حکمرانی ،انسداد بد عنوانی ،مالیاتی نظم و ضبط کوں یقینی بناونڑ اتے معیشت دی بحالی سانگے ٹیکس بنیاد کوں ایں حقیقی صلاحیت دے مطابق وسعت ڈیونڑ سانگے پر عزم ہے ۔انہاںآکھیا جو ڈوہیں ملکاں وچال وسیع تر اعلیٰ سطح دے تبادلیں دا تسلسل بر قرار رکھنڑ دی ضرورت ہے ۔بیلار وس دے صدر آکھیا جو انہاں دا ملک آٹو موٹو انجینئر نگ ،زرعی کاشت دی مشینری ،سڑکاں دی تعمیر دی مشینری اتے ڈمپ ٹرکاں سمیت باری مشینری دی تیاری اچ مہار ت رکھیندا ہے ،ڈوہیں ملک انہاں اہم شعبیںاچ سانجھے منصوبے تے کاروباری رابطے کوں ودھارا ڈے سگدے ہن ۔صدر لوکاشنکو آکھیا جو بیلاروس تے پاکستان کوں سکا کھیر دی پیداوار دی تیاری ،بئی ڈیری مصنوعات ٹیکسٹائل، آٹوپارٹس، آلات جراحی، دوا سازی اتے سانجے طور تے مفید بئے شعبے سیمت وسیع تر زرعی مصنوعات دی تیاری اتے پروسینگ سانگے سانجھے منصوبے دے امکانات دا جائزہ گھننڑاں چاہیدا ہے ۔ بیلاروس دے صدر معیشت دی بحالی اچ کامیابیاں حاصل کرنڑ تے پاکستان دی تعریف کیتی۔ وزیراعظم ہائوس دے بیان دے مطابق انہاں نیوکلیئر سپلائر گروپ تے پاکستان دے موقف دی وی حمایت کیتی ۔ علاقائی استحکام اتے امن دے تناظر اچ وزیراعظم نوازشریف آکھیا جو پاکستان اپنڑے ہمسائیں دے نال چنگے تعلقات استوار کرنڑ دی وی پالیسی دی پیروی کریندا پئے ، پاکستان جموں تے کشمیر دے تنازعے سمیت بھارت دے نال سارے تصفیہ طلب مسلیں دے پر امن حل چاہندے ۔ وزیراعظم آکھیا جو ”میں کشمیر دے جھیڑے دے پر امن حل سانگے انہاں دی حمایت دے اظہار تے انہاں دا شکریہ ادا کرنڑ چاہنداں’۔ وزیراعظم آکھیا جو بھارت مقبوضہ کشمیر اچ سنگین صورتحال نال عالمی برادری دی توجہ ہٹاونڑ سانگے دانستہ طور تے لائن آف کنٹرول تے کشیدگی اچ ودھارا کیتا۔ وزیراعظم انہاں کوں ڈسایا جومقبوضہ کشمیر اچ 110 بے گناہ لوک شہید تے 12 ہزار توں ودھ زخمی جڈاں جو سینکڑاں نازک حالت اچ ہن ۔ بعد اچ وزیراعظم بیلاروس دے صدر تے انہاں دے وفد دے اعزاز اچ ظہرانہ وی ڈتا ۔
