اسلام آباد ۔ 13 اکتوبر (اے پی پی) وزیراعظم محمد نواز شریف ترائے ڈینھ دے سرکاری دورے تے اج خمیس کوں آذربائیجان روانہ تھی گے ۔ صدر الہام علیوف دی دعوت تے وزیراعظم محمد نواز شریف دا اے آذربائیجان دا پہلا دورہ ہے۔ وزیراعظم دے معاون خصوصی خارجہ امور طارق فاطمی سمیت اعلیٰ سطح دا وفد انہاں دے نال ہا ۔ او باکو اچ اپنڑے قیام دے دوران صدر الہام علیوف اتے وزیراعظم آرتھرراسیزادے ڈو پاسے تعلقات تے گالھ مہاڑ کریسن ۔مذاکرات اچ تجارت تے سرمایہ کاری سمیت اقتصادی تعاون کوں خصوصی توجہ حاصل تھیسی ۔او علاقائی تے عالمی امور خاص طور تے جنوبی ایشیا دی صورت حال تے پر امن ہمسائیگی دی پاکستانی پالیسی تے گالھ مہاڑ کریسن ،دورے دے دوران سانجھے اعلامیے تے دستخط وی متوقع ہن ۔
