وزیراعظم محمد نواز شریف دا آفتاں توں آگاہی دے ڈینھ دے موقعے تے سنیہا

اسلام آباد ۔ 8 اکتوبر (اے پی پی) وزیراعظم محمد نواز شریف ساری قوم خاص طور تے دانشوراں’ میڈیا’ سول سوسائٹی اتے بئے متعلقہ لوکیں اتے اداریاں تے زور ڈتے جو او قدرتی سانحات دے حوالے نال شعور پیدا کرنڑ اتے سانحات دے ضیان کوں مکاونڑ سانگے آپنڑاں کردار ادا کرن۔ (اج) 8 اکتوبر آفتاں توں آگاہی دے ڈینھ دے موقعے تے آپنڑیں سنیہے اچ انہاں آکھیا جو 8 اکتوبر 2005ء دے تباہ کن زلزلے دے متاثرین اتے شہیداں دی یاد اچ اساں اج اے ڈینھ میندے پئے ہئیں ، اتے اساں ایں گالھ کوں یقینی بنڑیسوں جو پاکستان چنگی آگاہئی اتے تیاریاں دے نال سانحات توں نبڑنڑ اچ پوری صلاحیت رکھے اتے لوکیں کوں آگاہی ڈتی ونجے جوسانحات خاص طور تے ماحولیاتی تبدیلی دے تناظر اچ کہیں طرح دی وی صورتحال نال نبڑیا ونج سگے ۔ انہاں آکھیا جو ڈیزاسٹر مینجمنٹ کیتے ساری قوم دی مدد دی لوڑ ہوندی ہے اتے کہیں سانحے دی صورت اچ جامع اتے موثر رسپانس کیتے ہر شہری دی شرکت لازمی ہے ۔ ایں مقصد کیتے اساں این ڈی ایم اے دے وسائل اچ ودھارے اتے ایشیائی ترقیاتی بینک دی مدد نال ڈیزاسٹر مینجمنٹ کیتے قومی فنڈ قائم کیتے ۔ انہاں آکھیا جو اساں مستقبل اچ سیلاب دے اثرات نال نبڑنڑ کیتے صوبیاں دے اتفاق رائے نال نیشنل فلڈ پروٹیکشن پلان IV تے عمل درآمد دا تہیہ کیتا ہویا ہے ۔