اسلام آباد ۔ 24 اکتوبر (اے پی پی) وزیراعظم محمد نواز شریف پاکستان دی اقتصادی بحالی اتے معاشی استحکام سانگے بین الاقوامی مالیاتی فنڈ (آئی ایم ایف)دے تعاون کوں سراہندیں ہوئیں آکھیا جو حکومت جامع اصلاحاتی ایجنڈے دی پیروی کریندیں ہوئیں اقتصادی استحکام حاصل کیتے جڈانجو آئی ایم ایف دی منیجنگ ڈائریکٹر کرسٹین لاگارڈے ،وزیر اعظم کوں آئی ایم ایف پروگرام دی کامیاب تکمیل تے مبارک باد ڈیندیں ہوئیں آکھیا جو ایں نال ملک دے مثبت طور عکاسی تھی اے۔وزیر اعظم آفس ولوں جاری بیان دے مطابق کرسٹین لاگارڈے’ آئی ایم ایف پروگرام دی کامیاب تکمیل بارے آکھیا جو اے آپ سے سفر اچ ہک شاندار اقدام اے جو آپ 2سالیں دی گھٹ مدت اچ چنگی اتے ٹھوس اقتصادی پوزیشن حاصل کیتی اے۔کرسٹین لگارڈ جیڑھی جو پاکستان دے پہلے سرکاری دورے تے ہن ،آکھیا جو انہاں کوں اتھاں آ کراہیں بہوں خوشی تھئی اے۔انہاں ملک کوں کئی چیلنجاں توں کڈھنڑ اتے گھٹ عرصے اچ اقتصادی استحکام حاصل کرنڑ تے وزیر اعظم کوں سراہیا۔
