پاکستان اتے قطر وچال پکی بھرپی آلے تعلقات ہن ، ڈوطرفہ تعلقات ڈوہائیں ملکاں دے مفاد وچ پائیدار اقتصادی تعاون نال بئے مستحکم تھیسن، پاکستان سارے شعبیاں وچ قطر دے نال تعاون سانگے تیار ہے
پاکستان نال سپر مشاق اتے جے ایف 17 تھنڈر جہازاں دی خریداری دے خواہشمند ہسے ،قطر ی وزیر دفاعی امور
اسلام آباد ۔ 27 اکتوبر (اے پی پی) وزیراعظم محمد نواز شریف آکھیا ہے جو پاکستان اتے قطر وچال پکے برادرانہ تعلقات استوار ہن جیرھے جو ڈوہائیں ملکاں دے مفاد وچ پائیدار اقتصادی تعاون نال بئے مستحکم تھیسن۔ انہاں اے گالھ قطر دے وزیر دفاعی امور ڈاکٹر خالد بن محمد العطیہ نال خمیس کوں اتھا ں وزیراعظم ہاﺅس وچ گالھ مہاڑ وچ آکھی۔ وزیراعظم آکھیا جو پاکستان، قطر اتے ترکی دفاع توں متعلق عسکری سازوسامان دی تیاری سانگے سانجھے منصوبے قائم کر سگدے ہن ۔ انہاں کھیا جواسان قطر دے نال تعلقات کوں ڈھگ ساری اہمیت ڈیندوں اتے اوہ نیڑے دے اتحادی اتے برادر ریاست دی حیثیت نال پاکستان تے انحصار کر سگدن۔ ڈاکٹر خالد بن محمد العطیہآکھیا جو قطر پاکستان کو ںاپنڑاںسٹریٹجک پارٹنر تصور کریندا ہے اتے انہاں تعلقات کوں اولین حیثیت ڈیندے ہوئیںایں ضمن وچ ہر کاوش بروئے کار لاتی ویسی۔ انہاں آکھیا جووزیراعظم دے گزریل قطر دے دورے دے دوران ایل این جی منصوبہ طے تھیونڑ دے بعد ڈوہائیں برادر ملکاں وچال تعلقات ودھ سارے چنگے اتے پکے اقتصادی تعاون وچ ڈھلے ہن۔ انہاں آکھیا جو پاکستان دی معاونت اتے تعاون نال اساں خطے وچ موجود دہشت گردی دے غیر یقینی خطرے دی تیاری سانگے اپنڑے ملٹری ہارڈ ویئر کوں چنگا بناونڑ چاہندوں۔ انہاں آکھیا جو قطر دہشت گردی دے غیر روائتی دشمن دا مقابلہ کرنڑ سانگے تربیتی اکیڈمی قائم کریسی اتے اتھاں تربیتی کورسان سانگے پاکستانی انسٹرکٹرز دیاںخدمات اتے مہارت توں فائدہ چاونڑ دا خواہشمند ہے۔ وزیر دفاع آکھیا جو وزیراعظم محمد نواز شریف دی قیادت وچ پاکستان اتے قطر وچال باہمی تعاون آونڑ آلے وقتاں وچ نویاں بلندیاں آلے پاسے ویسی۔ انہاں آکھیا جو اساںپاکستان توں سپر مشاق اتے جے ایف 17 تھنڈر جہازاںدی خریداری دے خواہاں ہسے اتے پاکستان تے ترکی دی معاونت نال قطر وچ سازوسامان دی تیاری اتے فوجی تعاون قائم کرنڑ چاہندوں۔ قطر دے وزیر دفاعی امور پولیس تربیتی مرکز کوئٹہ تے دہشت گردی دے حملے وچ قیمتی جانان دے ضیاع تے قطر دے امیر شیخ تمیم بن حماد الثانی اتے اپنڑے ولوں وزیراعظم نال دلی تعزیت ظاہر کیتی۔ انہاں آکھیا جو دہشت گردی دا حملہ قابل مذمت ہے۔ قطر دی حکومت اتے عوام مشکل اتے ڈکھ دے ایں ویلھے وچ پاکستانی بھراواںدے نال ہن ۔ وزیراعظم نواز شریف تعزیت تے ڈاکٹر خالد بن محمد العطیہ دا شکریہ ادا کریندے ہوئیں آکھیا جوا یہ حملہ قابل مذمت ہے جیندے نتیجے وچ بے گناہ جاناں دا ضیاع تھیا۔ انہاں قطری وزیر دفاع دے موجودہ دورے کوں انتہائی مفید قرار ڈتا اتے آکھیا جو پاکستان سارے شعبیاں وچ قطر دے نال تعاون سانگے تیار ہے۔ پاکستان، قطر اتے ترکی وچال ترائے جہتی تعاون دے حوالے نال وزیراعظم ایں امر کوں اجاگر کیتا جو پاکستان اتے ترکی وچال تعلقات پاکستان دے قیام توں ای پھلدے پھلدے پن۔ انہاں کھیا وج پاکستان اتے قطر وچال ڈو طرفہ تجارتی حجم بالخصوص قطر توں ایل این جی دی درآمد دے بعد نمایاں طور تے ودھسی۔ وزیراعظم امیر قطر دے دادا شیخ خلیفہ بن الحماد الثانی دی فوتگی تے تعزیت دا اظہار کیتا۔
