باکو ۔ 14 اکتوبر (اے پی پی) وزیراعظم محمد نواز شریف آکھیا جو پاکستان اتے آذربائیجان ہم آہنگ تصووارت نال ہکو جیہے خیالات دے حامل ہن ،سارے علاقائی اتے عالمی مسئلیاں کوں بین الاقوامی قانون دے فریم ورک دے تحت گالھ مہاڑ اتے پر امن ذرائع نال حل کیتا ونجڑاں چاہیدا اے۔اے گالھیں زیرا عظم محمد نواز شریف اتے آذربائیجان دے صدر الہام علیوف دی سانجھی پریس کانفرنس کریندیں ہوئیں آکھی۔وزیر اعظم آکھیا جو او ڈوجھیاں ولوں کھلی جارحیت دے باوجود پر امن ہمسائیگی اتے ترقی سانگے امن ہمسائیگی اتے ترقی سانگے امن دے ترجمان رہین جڈانجو امن دے اصولاں تے کاربند رہنڑ دا غلط مطلب گھندیں ہوئیں اینکوں کمزوری نہ سمجھیا ونجے ۔وزیرا عظم آکھیا جو پاکستان اتے آذربائیجان دی جموں کشمیر اتے نگورنوکارا باخ دے مسئلہ تے ہک ڈوجھے سانگے حمایت،قریبی افہام و تفہیم اتے خیالات اچ ہم آہنگی دا ثبوت اے۔نگورنو کاراباخ تے پاکستان دے موقف دا اعادہ کریندیں ہوئیں وزیر اعظم نواز شریف مقبوضہ آزری علاقیاں دی واپسی،’ آرمینین افواج دے انخلاء اتے مہاجرین دی واپسی دا مطالبہ کیتے۔وزیرا عظم تنازعہ جموں تے کشمیر تے پاکستان سانگے آذربائیجان دی حمایت کوں سراہیا جو اقوام متحدہ سلامتی کونسل دی قرارداداں دے مطابق گالھ مہاڑ اتے پر امن ہمسائیگی نال حل تے زور ڈیندے ۔سانجھے اعلامیہ تے دستخط بارے وزیر اعظم آکھیا جو اے ڈوہاں ملکاں وچال موجود فعال تعلقات کوں ودھاونڑ اتے متنوع بنڑاونڑ دے عزم دا عکاس اے۔وزیرا عظم آکھیا جو انہاں وچال ڈو پاسہ تجارت انہاں دی حقیقی صلاحیت نال ہم آةنگ کائنی اتے اونکوں نویں سروں تقویت ڈیونڑ دی لوڑھ اے۔انہاں صدر الہام علیوف دی قیادت اچ آذربائیجان دی سماجی تے اقتصادی ترقی کوں سراہیا۔
