اسلام آباد ۔ یکم اکتوبر (اے پی پی) وزیر اعظم مشیر امور خارجہ سرتاج عزیز چین دے وزیر خارجہ وانگ ژی کوں عوامی جمہوریہ چین دے قیام د ی 67ویں سالگرہ دے موقعے تے مبارخ ڈتی ہے ۔ چینی وزیر خارجہ دے ناں آپنڑیں مبارخ دے سنیہے اچ سرتاج عزیز آکھیا جو پاکستان اتے چین وچال دوستی چنگی ہمسائیگی دے تعلقات دی ہک بہوں چنگی مثال ہے ۔ پاکستان اتے چین وچال ہر شعبے اچ تیزی نال ودھدا ہویاگانڈھا ڈو طرفہ تعلقات کو ں بلندیاں تے گھن ونجنڑ دی ڈوطرفہ عزم دا اظہار ہے ۔ سرتاج عزیز پاک چین تعلقات دے استحکام کیتے چینی وزیر خارجہ دی ذاتی دلچسپی اتے کوششاں کوں دی وی تعریف کیتی اتے ایں اعتماد دا اظہار کیتا جو ڈو ہائیں ملکاں دے لوکیں دی ترقی اتے خوشحالی اچ بہوں اہم کردارادا کریسی ۔
