اسلام آباد ۔ 18 اکتوبر (اے پی پی) وزیر اعظم دے باہرلے معاملیاں بارے خصوصی معاون طارق فاطمی منگل کوں تاشقند اچ ازبکستان اتے مالدیپ دے خارجہ اموربارے وزیراںنال انج انج ملاقات کیتی ۔گالھ مہاڑ اچ ڈوہائیں پاسوں تعلقات کو ں بیا مستحکم کرنڑاتے اقتصادی شعبے اچ تعاون کوں فرغ ڈیونڑ تے اتفاق کیتا گئے ۔ دفتر خارجہ دے ترجمان دے مطابق معاون خصوصی تاشقند اچ اسلامی تعاون تنظیم دے وزرائے خارجہ دی کونسل دے 43ویں اجلاس دے موقعے تے ازبکستان دے وزیر خارجہ نال ملاقات کیتی ۔ڈوہائیں فریقاں برادرانہ تعلقات خاص طور تے معیشت اتے تجارتی شعبیاں اچ تعلقات کوں بیا مستحکم کرنڑ تے اتفاق کیتا۔ طارق فاطمی اسلامی تعاون تنظیم دے وزرائے خارجہ دے کونسل اجلاس دی میزبانی کیتے بہترین انتظامات تے ازبک حکومت دیاں کوششاں دی تعریف کیتی۔ معاون خصوصی طارق فاطمی ایںموقعے تے مالدیپ دے وزیر خارجہ نال وی ملاقات کیتی۔ڈوہائیں وزیراں ڈوطرفہ تعلقات سمیت مختلف امور تے گالھ مہاڑ کیتی اتے ایں کوں بیا مستحکم کرنڑ اتے اتفاق کیتا۔ اجلا س اچ سیاسی، سماجی، تعلیمی، انسانی، معاشی اتے قنونی امور بارے قرارداداں دی منظوری وی ڈتی ویسی۔ اسلامی تعاون تنظیم حق خودارادیت دے حصول کیتے کشمیری عوام دی حمایت کیتی ہے۔او آئی سی دے سیکرٹریٹ دے مطابق جموں و کشمیر سمیت مختلف امور تے تقریباً ہک سو سو نو قرارداداں تے غور کیتا ویسی۔
