باکو ۔15 اکتوبر (اے پی پی) وزیر اعظم محمد نواز شریف آکھے جو خطے اچ عدم استحکام دی بنیادی وجہ مسئلہ کشمیر ہے ، بھارت کوں آپنڑیں وعدے دے مطابق اقوام متحدہ دی سلامتی کونسل دیاں قرارداداںدے مطابق ایں مسئلے دے حل کیتے سنجیدگی دا مظاہرہ کرنڑاں چاہیدے ، مسلم لیگ (ن) دی حکومت ملک اچ برداشت دی نویں سیاسی ثکافت متعارف کروائی ہے جیندے ہر جماعت دے منیڈیٹ دا احترام کیتا گئے ۔ چھنڑ چھنڑ کوں باکو اچ صحافیاں نال غیر رسمی گالھ مہاڑ کریندے ہوئیں وزیر اعظم آکھیا جو اڑی واقعے دے 6گھنٹے گزرنڑ دے بعد ہی بھارت پاکستان دے خلاف الزام تراشی شروع کر ڈتی ، وزیر اعظم آکھیا جو پاکستان مسئلہ کشمیر دے پرامن حل کیتے پرعزم ہے ۔پاکستان ہک امن پسند ملک ہے ، انہاں بھارت ولوں اڑی واقعہ تے بے بنیاد الزامات کوں مسترد کریندے ہوئیں آکھیا جو لائن آف کنٹرول نال کئی دراندازی کائنی تھیندی پئی ، انہاں آکھیا جو پاکستان کئی واری مذاکرات دے ذریعے دیرینہ مسلیاں دے حل دی پیشکش کیتی جڈانجو بھارت ولوں ایندا مثبت جواب نہیں کیتا ۔ انہاں آکھیا جو جیکر بھارت مسئلے دے حل کیتے سنجیدہ ہے تاں پاکستان گالھ مہاڑ کیتے تیا ر ہے ۔ وزیر اعظم آکھے جو سندھ اچ پیپلز پارٹی حکومت بنڑا ئی ہے اتے اساں ایندا احترام کریندے ہئیں ، اتے ایں طرح ایم کیو ایم دی بطور اپوزیشن پارٹی احترام کریندے ہئیں ،اتھاں تئیں جو خیبر پختونخوا جتھوں منیڈیٹ حاصل کرنڑآلے اساڈے خلاف غیر اخلاقی زبان استعمال کریندے پئے ہن ، اساں اتھاں وی انہاں دے عوامی مینڈیٹ دا احترام کیتے ۔
