اسلام آباد ۔16 اکتوبر (اے پی پی) وزیر خزانہ سینیٹر محمد اسحاق ڈار ملک اچ کھاد دے سٹاک دا جائزہ گھنڑکیتے ہک اجلاس دی صدارت کیتی ۔ اتوار کوں تھیونڑ آلے اجلاس اچ وزیر حزانہ کوں ملک اچ کھاد دی پیداوار اتے سٹاک بارے ڈسایا گیا۔ انہاں آکھیا جو غذائی تحفظ کوں یقینی بنڑاونڑ کیتے کھاد دی مسلسل فراہمی کوں یقینی بنڑایا ونجے ۔ فوجی فرٹیلائزر کمپنی ( ایف ایف سی ) لمیٹڈ دے منیجنگ ڈائریکٹر اتے سی او لیفٹیننٹ جنرل ریٹائرڈ شفقات احمد وزیر خزانہ کوں ملک اچ کھاددی فراہمی دے حوالے نال کمپنی دے کردار بارے ڈسایا اتے حکومت ولوں کھاد دی صنعت اتے ایف ایف سی دی بھرپور معاونت تے انہاں دا شکریہ ادا کیتا۔ وزیر خزانہ ملک اچ کھاداں دی فراہمی دے نظام کوں مستحکم بنڑاونڑ بارے ایف ایف سی دے کردار دی تعریف کیتی ۔ ایم ڈی ایف ایف سی کھاد دی عالمی منڈی اتے برآمدات بارے وزیر خزانہ کوں ڈسایا ۔ اجلاس اچ سیکرٹری خزانہ ، سیکرٹری نیشنل فوڈ سیکیورٹی ، چیئرمین ایف بی آر ، سیکرٹری پورٹس اینڈ شپنگ، سیکرٹری پٹرولیم و قدرتی وسائل اتے فوجی فرٹیلائزر کمپنی لمیٹڈدے سی او لیفٹیننٹ جنرل ریٹائرڈ شفقات احمد شرکت کیتی ۔
