اسلام آباد ۔02 اکتوبر (اے پی پی)وزیر خزانہ سینیٹر محمد اسحاق ڈار اتوار کوں تھیونڑآلے خصوصی اجلاس اچ پاکستان لینڈ پورٹ اتھارٹی دے قیام دے معاملیاں دا جائزہ گھدا جیندے اچ کوارٹر ماسٹر جنرل پاکستان آرمی لیفٹیننٹ جنرل جاوید بخاری وزیر خزانہ کوں سارے ملک دیاں سرحداں تے بنڑایاں گیاں بارڈر چیک پوائنٹس بارے تفصیل نال ڈسایا۔ وزیر خزانہ کوںڈسایا گیا جو عالمی تجارت تے مختلف چیزاں دی آمدورفت اچ تھیونڑآلے ودھارے پاروں سرحدی پوائنٹس تے جدید ٹرمینل دا قیام وقت دی لوڑ ہے ۔ انہاں کوں ڈسایا گیا جو بارڈر پوائنٹس تے جدید آلات لاونڑ نال نہ صرف تجارت دی ریگولیشن جڈانجو امیگریشن اتے سیکیورٹی دے مقاصد کیتے وی ضروری ہے تانجو بارڈر پوائنٹس توں آونڑ تے ونجنڑآلے لوکیں دی آمد ورفت دی نگرانی کیتی ونج سگے ۔ اجلاس اچ وزیر اعظم دے خصوصی معاون برائے قنون بیرسٹر ظفر اللہ خان ، سیکرٹری اقتصادی امور ڈویژن ، ڈی جی ایم او میجر جنرل ساحر شمشاد ،ڈی جی این ایل سی میجر جنرل فیصل مشتاق اتے ایف بی آر دے چیئرمین شرکت کیتی ۔
