اسلام آباد ۔ 27 اکتوبر (اے پی پی) وزارت منصوبہ بندی تے ترقیات جاری مالی سال دے سرکاری شعبے دے ترقیاتی پروگرام وچ وفاقی حکومت دے سپیشل پروگراماں سانگے مجموعی طور تے 65ارب 57کروڑ 40لکھ روپے توں ودھ دے فنڈز جاری کرڈتے ہن۔ حکومت جاری مالی سال وفاقی حکومت دے سپیشل پروگراماں سانگے 1کھرب 99ارب 66کروڑ 77لکھ روپے توں ودھ دے فنڈز مختص کیتے ہن۔ پلاننگ کمیشن دے جاری کردہ اعداد وشمار دے مطابق حکومت عارضی طور تے بے گھر تھیونڑ آلے لوکوں دی بحالی سانگے 42 ارب 56کروڑ 20لکھ ، ایرا سانگے 1ارب 60کروڑ ، پرائم منسٹر یوتھ اتے ہنرمند پروگرام سانگے 1ارب 41کروڑ اتے وزیر اعظم گلوبل پائیدار ترقیاتی اہداف پروگرام سانگے 20ارب روپے دے فنڈز جاری کرڈتے ہن ۔
