اسلام آباد ۔ 25 اکتوبر (اے پی پی) وفاقی وزیر اطلاعات ‘ نشریات تے قومی ورثہ سینیٹر پرویز رشید پولیس ٹریننگ سینٹر وچ دہشت گردی دے حملے دی مذمت کریندے ہوئیں آکھیا ہے جو ایں کارروائی دا ارتکاب کرنڑ آلے امن تے ترقی دے دشمن ہن۔منگل کوں جاری بیان وچ انہاں آکھیا جو پاکستان دی عوام ملک دے دشمناں دے عزائم دا مقابلہ کرنڑ سانگے پرعزم ہن۔ انہاں آکھیا جو حکومت مادر وطن توں چھیکڑی دہشت گرد کوں مکاونڑ تئیںآرام نال کائناں باہسوں۔ پرویز رشید آکھیا جو امن دشمناں دے نال سخت ہتھاں نا ل نبڑیا ویسی ۔ انہاں آکھیا جو دہشت گردی اتے انتہا پسندی دے خلاف اساڈی سیکورٹی فورسز دیاں عظیم قربانیاں رائیگاں کائناں ویسن ، اوہ اساڈے ہیروز ہن اتے اساڈے کل سانگے اپنڑاں اج قربان کریندے پئے ہن ۔انہاں شہداءدے خانداناں دے نال دلی ہمدردی دا اظہار کریندے ہوئیں زخمیاں دی وختی صحت یابی سانگے دعا کیتی۔
