اسلام آباد ۔ 19 اکتوبر (اے پی پی) وفاقی وزیر خزانہ سینیٹر اسحاق ڈار نال طلال ابو غزالے آرگنائزیش ددے چیئرمین اتے انفارمیشن ٹیکنالوجی دے شعبہ دے عالمی کاروباری رہنما ڈاکٹر طلال ابو غزالے ملاقات کیتی۔وفاقی وزیر مہمان شخصیت دا خیر مقدم کریندیں ہوئیں امت مسلمہ سانگے انہاں دی شاندار خدمات کوں سراہیا۔ایں موقع تے ڈاکٹر طلال ابو غرالے وفاقی وزیر کوں پاکستان دی گزریل ترائے سالیں وچ اقتصادی کامیابی تے مبارک باد ڈتی اتے آکھیا جو پاکستان اچ تجارت اتے سرمایہ کاری دے وڈے موقع موجود ہن ۔وزیر خزانہ انہاں کوں حکومت ولوں ملک اچ کاروبای ماحول بہتر بنڑاونڑ سانگے کیتے گئے اقدامات بارے ڈسایا اتے آکھیا جو کاروبار اچ آسانی دے اعشاریے اچ بئی بہتری اجوکی حکومت دی پہلی ترجیح اے۔انہاں آکھیا جو پاکستان اچ بین الاقوامی تجارت اتے سرمایہ کاری سانگے سازگار ماحول دا عالمی سطح تے اعتراف کیتا ویندا پئے ۔طلال ابو غرالے پاکستان اچ ڈیجیٹل سہولتاں دے پھیلائو کوں سراہندیں ہوئیں آکھیا جو انفارمیشن ٹیکنالوجی دی خدمات دی پرے دے علاقیاں تئیں فراہمی اتے مارکیٹ اچ صحت مند مسابقت نال اتھاں نویں کاروں دے قیام دے موقع ودھین ۔وزیر مملکت برائے انفارمیشن ٹیکنالوجی انوشہ رحمن اتے وزارت خزانہ اتے وزارت انفارمیشن ٹیکنالوجی د ے سینئر حکام وی ایں موقع تے موجود ہن ۔
