حج اتے عمرہ ایکٹ وختی منظور کرایا ویسی،عوامی سطح تے حج اپریشن کو ںزبردست پذیرائی ملی ہے ،لوک مبارخاں دے خط بھیجیندے پئے ہن
سرکاری سکیم وانگوں پرائیویٹ حج گروپ آرگنائزرز وی حج پیکیج کوں گھٹ کرن
اسلام آباد ۔ 24 اکتوبر (اے پی پی) وفاقی وزیر مذہبی امور سردار محمد یوسف پرائیویٹ حج گروپ آرگنائزرز کوں آکھیا ہے جو سرکاری سکیم وانگوں او وی حج پیکیج کوں گھٹ کرن ۔ وفاقی کابینہ حج اتے عمرہ ایکٹ دی منظوری ڈے ڈتی ہے جیں کوں وختی اسمبلی توں منظور کرایا ویسی ۔عمرہ دے ذریعے ذاتی مفاد حاصل کرنڑ آلیں دا محاسبہ کیتا ویسی ۔سرکاری سکیم ہووے بھاویں پرائیویٹ سکیم اللہ دے مہماناں دی خذمت دا جذبہ ہوونڑاں چاہیدا ہے کیوں جو عبادت نال جنت تے خذمت نال ”اللہ “ ملدا ہے ۔او سنوار کوں اتھاں حج گروپ آرگنائزر ایسوسی ایشن آف پاکستان (ہوپ) دے نویںمنتخب عہدیداراں دی تقریب حلف برداری توں خطاب کریندے پے ہن ۔ وزیر مذہبی امور حج 2016ءدی شاندار کامیابی تے ایچ جی اوز کوں مبارخ باد پیش کیتی تے آکھیا جو وزیراعظم محمد نوازشریف انہاں کوں جڈاں وزارت دی ذمے واری ڈتی ہئی تاں اانہاں سانگے ہک وڈا چیلنج ہا کیوں جو اوں ویلھے دے حالات انہاں کوں پتہ ہن ۔ 2013ئ‘ 2014‘ اتے 2015ءدے حج آپریشن اچ عوام سرکاری سکیم کوں زبردست پذیرائی بخشی۔ حج 2016سانگے ڈولکھ 80 ہزار درخواستاں دا جمع تھیونڑ ایں گالھ دا واضح ثبوت ہے ۔ سرکاری سکیم ہووے بھاویں پرائیویٹ اساڈا مقصد حاجیاں دی خذمت ہوونڑیں چاہیدی ہے ۔ پرائیویٹ سیکٹر کوں وی حج انتظامات دے حوالے نال اساں مشورے اچ شامل رکھیا۔ ساریں دیاں سانجھیاں کوششاںنال حج اپریشن کامیابی نال پورا تھی گیا ہے ۔ انہاں آکھیا جو حج اپریشن حکومت تے پاکستان سانگے نیک نامی دا باعث بنڑیا ۔لوکاں وزیراعظم تے انہاں کوں مبارخ باد دے خط بھیجے ہن ،انہاں حج اپریشن اچ ذرائع ابلاغ دے کردار کوں خاص طور تے چنگاںآکھیا ۔انہاں ہوپ دے نویں منتخب عہدیداراں کوں مبارخ ڈتی تے انہاں توں توقع ظاہر کیتی جو او آئندہ وی حج امور کوں چنگاں بنڑاونڑ سانگے اپنڑاں کردار ادا کریندے رہسن ۔”ہوپ “ ولوں وزیر مذہبی امور سردار محمد یوسف کوں حج 2016دے کامیاب اپریشن تے مبارخ باد ڈتی اتے انہاںکوں یادگار شیلڈ وی ڈتی گی ۔تقریب اچ وفاقی سیکر ٹری مذہبی امور سہیل عامر اتے جوائنٹ سیکر ٹری محمد فاروق وی شرکت کیتی ۔
