اسلام آباد ۔25 اکتوبر (اے پی پی) وفاقی وزیر مذہبی امور سردار محمد یوسف کوئٹہ اچ دہشت گردی دے واقعے دی ودھ ساری مذمت کریندے ہوئیں قیمتی جاناں دے ضیان تے ودھ سارے ڈکھ دا اظہار کیتا ہے ۔منگل کوں انہاں اپنڑے مذمتی بیان اچ آکھیا جو اساں کوئٹہ دے واقعے دی ودھ ساری مذمت کریندوں ،دہشت گرداں دیاں بزدلانہ کاروائیاں نال ترقی دی رفتار نی رک سگدی ۔پوری قوم دہشت گرداں نال مقابلے سانگے ہک مٹھ ہے ،انہاں دہشت گردی دے ایں واقعے اچ شہید تھیونڑ آلیں دے ثواب سانگے دعا کیتی اتے انہاں دے ٹبراں نال ہمدردی دا اظہار کیتا ۔اتے زخمیاں سانگے وختی چنگی صحت دی دعا وی کیتی ۔
