جکارتہ۔ 20 اکتوبر (اے پی پی)روسی صدر ولادی میر پیوٹن عراقی وزیراعظم حیدر العبادی اتے ترک صدر رجب طیب اردوان دے نال ٹیلی فون تے رابطہ کیتا ہے۔ میڈیا رپورٹس دے مطابق کریملن تصدیق کیتی ہے جو ٹیلی فون تے گالھ مہاڑ وچ عراقی وزیراعظم روسی صدر کو ںموصل داقبضہ چھڑاونڑ بارے لڑائی دی تازہ ترین صورت حال ڈسائی۔ ایں دوران صدرپیوٹن انہاں کوں شام دے معاملے تے جاری روس دی سفارت کاری بارے آگاہ کیتا۔ گالھ مہاڑ دے دوران انہاں عراقی وزیراعظم اتے اتحادیاں سانگے موصل دی لڑائی وچ مقرر کیتے گئے مقصداں دے حصول سانگے نیک خواہشات دااظہار وی کیتا۔ ترک اتے روسی صدور دی گالھ مہاڑ دیاں تفصیلات عام نی کیتیاں گئیاں۔
