اسلام آباد ۔ 5 اکتوبر (اے پی پی) وزارت منصوبہ بندی تے ترقیات اجوکے مالی سال دے سرکاری شعبے دے ترقیاتی پروگرام اچ پانڑیں تے بجلی ڈویژن دے شعبیں سانگے3ارب35کروڑ94 لکھ روپے توں ودھ دے فنڈز جاری کر ڈتے ۔ حکومت اجوکے مالی سال دے دوران پانڑیں تے بجلی دے ترقیاتی منصوبیں سانگ ہک کھرب61 ارب71کروڑ63 لکھ روپے توں ودھ دے فنڈز رکھیے ہن ۔ پلاننگ کمیشن دے جاری کیتے گے اعدادوشمار دے مطابق حکومت اجوکے مالی سال قلات اچ سمال ڈیم دی تعمیرسانگے ہک کروڑ ، پشاور نوشہرہ ورسک کینال منصوبے سانگے 18 کروڑ ، گوادراچ شادی خوڑ ڈیم سانگے 16 کروڑ77 لکھ ، منگلا ڈیم دی توسیع سانگے 20 کروڑ ، سکھراچ رینی کینال منصوبے سانگے 10 کروڑ، دادو اچ نویں گج ڈیم سانگے 60 کروڑ، قمبراچ واٹر سپلائی سکیم سانگے 11کروڑ، کچی کینال پراجیکٹ سانگے ہک ارب، سندم اچ چھوٹے ڈیماں دی تعمیرسانگے 10کروڑ، بلوچستان اچ چھوٹے ڈیماں دی تعمیرسانگے 20 کروڑ اتے گوادر اچ بسول ڈیم سانگے 14 کروڑ روپے سمیت مختلف ترقیاتی منصوبیں سانگے فنڈز جاری کر ڈتے گے ہن۔
