اسلام آباد ۔16 اکتوبر (اے پی پی) پاکستان اچ چین دے سفیر سن وی ڈونگ آکھے جو چین پاکستان اقتصادی راہداری منصوبہ سارے پاکستان کیتے ہکو سنواں فیدے اچ ہے۔ گوادر تئیں مغربی روٹ یقینی طور تے ایں منصوبے دا حصہ ہے ، راہداری دے سارے روٹس ترقی اتے خوشحالی دی نوید ثابت تھیسن۔ پاکستان اتے چین دے سفارتی تعلقات دے 65 سال پورے تھیونڑ تے منعقد تھیونڑآلی اے دوستانہ کار ریلی ہک اہم سرگرمی ہے ۔ او اتوار کوں اتھاں پاک چائنا فرینڈشپ سینٹر اچ تھیونڑآلے ثقافتی شو نال الیندے پئے ہن۔ ایں موقعے تے پاکستان اتے چین دے فنکاراں آپنڑیں بھرپور فن دا مظاہرہ کیتا جڈانجو ایں توں بعد وفاقی وزیر اطلاعات ونشریات سینیٹر پرویز رشید اتے چین توں آئے ہوئے مہماناں وچال سوینئرز دے تبادلے اتے گروپ فوٹوز دے سیشن وی تھئے ۔ چینی سفیر خطاب کریندے ہوئیں آکھیا جو چین پاکستان اقتصادی راہداری دے تحت 13ارب 80کروڑ ڈالر دے 16منصوبے ویلھے توں پہلے پورے تھیونڑ دے نیڑے ہن ،انہاں اچوں 10ہزار مقامی افراد کو ںملازمتاں ملسن۔ انہاں چینی سفارت خانے ولوں تقریب اچ شرکت اُتے وفاقی وزیر اطلاعات و نشریات سینیٹر پرویز رشید دا شکریہ ادا کیتا جڈانجو نائب گورنر وانگ ہیشان دا پاکستان آمد تے انہاں دا خیر مقدم کیتا۔ایں موقعے تے ننگشیاءدے نائب گورنر آکھیا جو پاکستان اتے چین چنگے اتے اوکھے ویلھے دے ساتھی ہن۔ ڈوہائیں ملک چنگے دوست ، ہمسائے ، سانجھے دار اتے چنگے بھرا ہن ۔
