شارجہ ۔ 27 اکتوبر (اے پی پی) پاکستان اتے ویسٹ انڈیز دیاں کرکٹ ٹیماں وچال ترائے ٹیسٹ میچاں تے مشتمل سیریز دا تریجھا تے چھیکڑی میچ 30اکتوبر کوں شارجہ اچ تھیسی ،گرین شرٹ کوں 2-0توں برتری حاصل ہے ۔پاکستانی ٹیم سیریز دے پہلے ٹیسٹ اچ ویسٹ انڈیز کوں 56سکور اتے ڈوجھے ٹیسٹ اچ 133سکوراں دے واضح مارجن توں ہرا تے سریز جت گھدی ہے ۔شانداری کامیابی دے بعد پاکستان دی ٹیم دا مورال اچا ہے تے کھلاڑی تریجھا تے چھیکڑٰی میچ ویسٹ انڈیز کوں زیر کرتے ٹی ٹونٹی اتے ون ڈے دے بعد ٹیسٹ سیریز اچ وی وائٹ واش کرنڑ سانگے پر عزم ہن ،پاکستانی ٹیم دی کاکر دگی کوں ڈیکھدے ہوئیں فیورٹ قرار ڈتا ویندا پئے ۔
