اسلام آباد ۔ 5 اکتوبر (اے پی پی) پاکستان ”دہشت گردی دے سپانسرز دے خلاف انصاف ایکٹ” بارے اچ امریکی صدارتی ویٹو کوں مسترد کرنڑ تے تشویش دا اظہارکیتا ہے۔ خود مختار ریاستاں کو ںہدف بنڑاونڑ دیف حامل ایں قنون کوں امریکی کانگریس منظور کیتا ہے ۔ترجمان دفتر خارجہ ولوں بدھ کوں جاری بیان اچ آکھیا گیا ہے جو اساں خود مختار ریاستاں کوں ہدف بنڑاونڑ دے مقصد دے حامل امریکی کانگریس دے منظور کیتے گے قنون ،دہشت گردی دے سپانسرز دے خلاف انصاف ایکٹ ” تے امریکی صدارتی ویٹو کوں مسترد کریندے کرنڑ کوں تشویش دے نال نوٹ کیتا ہے ۔بیان دے مطابق یورپ اچ مشرق وسطی اچ کئی ملکاں وی ایں ایکٹ تے تشویش کیتی ہے ۔پاکستان ایندے توں پہلے وی علاقائی اطلاق دے نال ملکی قنون سازی دی منظوری تے ڈکھ دا اظہار کیتا ہا ۔۔ اصل اچ وزیراعظم اقوام متحدہ دی جنرل اسمبلی دے 71 ویں اجلاس اچ دہشت گردی کوں عالمی مظہر قرارڈیندے ہوئیں آکھیا ہا جو ایندی ہر شکل دے نال جامع انداز اچ نبڑنڑاں چاہیدا ہے اتے بین الاقومی برادری کوں ایں ضمن اچ کوششاں اچ سانجھی معاونت کرنڑیں چاہیدی ہے ۔وزیراعظم ایں گالھ تے زور ڈتا جو ایں سلسلے اچ کوششاں کجھ ملکاں کوں ہدف بنڑا تے ماروائے علاقائی اطلاق دے نال کہیں قسم دے قنون دی منظوری ہک پاسے طور تے کائنی بلکہ اجتماعی طور تے کیتی ونجنڑیں چاہیدی ہے ۔
