اسلام آباد ۔ 9 اکتوبر (اے پی پی) پاکستان مقبوضہ کشمیر اچ بھارتی فوج دے ہتھوں 12سال دے چھوہر جنید احمد دی شہادت دے واقعے تے افسوس دا اظہار کریندے ہوئیں آکھے جو اے واقعہ بھارت دی ریاستی دہشت گردی دی بد ترین مثا ل ہے، پاکستان دی حکومت اتے عوام متاثرہ ٹبر نال دلی طور تے ہمدردی دا اظہار کیتے۔ اتوار کوں دفتر خارجہ دے ترجمان نفیس ذکریا آکھیا جو مقبوضہ کشمیر دے عوام اقوام متحدہ دی سلامتی کونسل دیاں قرار داداں دے مطابق آپنڑاں خودارادیت دا بنیادی حق منگدے پئے ہن۔ انہاں آکھیا جو مقبوضہ کشمیر اچ انسانی حقوق دیاں سنگین خلاف ورزیاں، ودھدے ہوئے ظلم و ستم اتے کشمیریاں دی نسل کشی عالمی برادری کیتے تشویش دی گالھ ہونڑیں چاہیدی ہے ۔
