اسلام آباد ۔ 14 اکتوبر (اے پی پی)دفتر خارجہ دے ترجمان آکھیا جو پاکستان دا نیو کلیئر ڈیٹرنس بھارت دے جارحانہ عزائم دے رد عمل اچ ملکی دفاع اتے تحفظ سانگے اے۔مقبوضہ کشمیر دی صورتحال تے دنیا سامنڑے بے نقاب تھیونڑ تے بھارت سخت اعصابی دبائو دا شکار اے،بھارت مقبوضہ کشمیر اچ ریاستی دہشت گردی اچ ملوث اے۔بھارت دی پاکستان اچ مداخلت اتے مقبوضہ کشمیر اچ انسانی حقوق دی خلاف ورزیاں دے ثبوت ہن پئے،بھارت مقبوضہ کشمیر اچ یو این ہیومن رائٹس کونسل ولوں فیکٹ فائنڈنگ مشن کوں روکیندا پئے،دہشت گردی دے خلاف سارے ادارے ہک پیج تے ہن ،پاکستان عالمی سطح تے قطعی طور کلھا کائنی ،اے بھارتی پروپیگنڈہ اے،پاکستانی میڈیا بھارتی میڈیا دے کُوڑ تے مبنی پراپیگنڈا دا ویلھے تے اتے موثر جواب ڈتے۔دفتر خارجہ دے ترجمان محمد نفیس ذکریا کشمیر بارے ہک سوال دا جواب ڈیندیں ہوئیں آکھیا جو پاکستان دی سفاری کوششاں نال مقبوضہ کشمیر دی صورتحال تے مبنی دنیا دے سامنڑے بے نقاب تھیونڑ تے بھارت سخت اعصابی دبائو دا شکار اے۔ایل او سی تے سیز فائر دی خلاف ورزی اتے پڑوسی ملکاں دے اندرونی معاملیاں اچ بھارتی مداخلت اعصابی دبائو دے ثبوت ہن ۔ترجمان آکھیا جو برطانیہ اچ پاکستان ہائی کمشنر مقبوضہ کشمیر اچ انسانی حقوق دی خلاف ورزیں بارے ڈوزیئر افغانستان تے پاکستان بارے برطانیہ کوں خصوصی نمائندے دے حوالے کیتے ۔
