روم ۔ 29 اکتوبر (اے پی پی) پاک فضائیہ دے سربراہ ائر چیف مارشل سہیل امان چھنڑ چھنڑ کوں روم اچ اٹلی دے چیف آف ڈیفنس جنرل کلاڈیﺅ گرازیانو نال ملاقات کیتی۔گالھ مہاڑ کریندے ہوئیں پیشہ ورانہ دلچسپی دے مختلف امور تے گالھ مہاڑ کیتی ، پاک فضائیہ ولوں اتھاں جاری بیان دے مطابق پاک فضائیہ دے سربراہ اطالوی ائر فورس دی دعوت تے اٹلی دے سرکاری دورے اُتے ہن ۔ پاک فضائیہ دے سربراہ ڈوہائیں ملکاں وچال موجودہ تعلقات کو ںبلندیاں دی نویں سطح تئیں گھن ونجنڑ دے عزم کوں دہرایا۔ اٹلی دے چیف آف ڈیفنس جنرل کلاڈئیو دہشت گردی دے خلاف جنگ اچ بالعموم پالستان دی مسلح افواج اتے خاص طور تے پاکستان ائر فورس دے بے مثال عزم دی تعریف کیتی۔ بعد اچ ائر چیف مارشل سہیل امان اٹالین تھنک ٹینک نال آپریشن ضرب عضب اچ پی اے ایف دے نمایاں کرادار دے حوالے نال آگاہ کریندے ہوئیں آکھیا جو پاک فضائیہ بہوں دل نال ڈینھ رات اتے سارے موسمی حالات اچ آپنڑیں فضائی حملیاں نال دہشت گرداں دے کمانڈ و کنٹرول سنٹرز،گولہ بارود دے زخیرے ، خفیہ ٹھکانڑیاں اتے بنکراں کوں چنگے طریقے نال بے اثر کر ڈتے ۔ انہاں آکھیا جو دہشت گرداں دے خلاف انہاں آپریشنز پاکستان آرمی کیتے گھٹ توں گھٹ مزاحمت نال زمینی حالات کوں ساز گار بنڑایا۔
