اسلام آباد ۔ 12 اکتوبر (اے پی پی)پورے ملک اچ یوم عاشورعقیدت تے احترام نال منایاویندا پئے ۔ یوم عاشور دے موقع تے پورے ملک اچ سارے چھوٹے تے وڈے شہراں اچ علم ،ذوالجناح اتے تعزیہ دے جلوس کڈھیے ویندے پن ،یوم عاشور مناونڑ دا مقصد میدان کربلا اچ حضرت امام حسین اتے انہاں دے ساتھیاں دیاں قربانیاں کوں خراج عقید ت پیش کرنڑ ہے ،ماتمی جلوساں تے مجلس دے دوران علماء کرام تے ذاکرین حضرت امام حسین رجی اللہ تعالی عنہ دی تعلیمات اتے سانحہ کربلا دے مختلف پہلواں تے روشنی پاتی ،وفاقی تے صوبائی حکومت کہیں وی نا خوشگوار واقعے توں بچنڑ سانگے جلوساں دے رستیں تے سخت سیکورٹی دے انتظامات کیتے ہن ،کوئٹہ اچ مرکزی جلوس پنجابی امام بارگاہ توں برآمد تھیا،جلوس اپنڑے مقررہ رستیں توں تھیندا ہویا شام کوں ہیں جاہ تے پج تے مک ویسی ۔اتھاں امن و امان کوں برقرار رکھنڑ سانگے سیکورٹی دے ست ہزار اہلکار تعینات کیتے گے ہن ،کراچی اچ عاشور دا جلوس اج نشتر پارک توں بر آمد تھیا جیرھا جو روایتی رستیں توںتھیندا ہویا شام امام باگاہ حسینیاں ایرانیان کھارا در اچ مک ویسی ،سندھ دے وزیراعلیٰ مراد علی شاہ انسپکٹر جنرل سندھ اے ڈی خواجہ اتے ڈوجھے اعلیٰ حکام دے نال جلوس دے رستے دا دورہ کیتا اتے سیکورٹی دے انتظامات دا جائزہ گھدا ۔راولپنڈی اچ امام بارگاہ کرنل مقبول حسین توں ذوالجناح علم اتے تعزیے دا مرکزی جلوس کڈھیا گیا ۔شہر دے مختلف حصیں توں ماتمی جلوس وی کڈھیے گے جیرھا جو مرکزی جلوس اچ شامل تھئے ،مرکزی جلوس اپنڑے روایتی رستے توں گزردا ہویاامام بارگاہ قدیمی تے ختم تھے ۔لاہور اچ نثار حویلی موچی گیٹ توں بر آمد تھیونڑ آلا عاشور دا مرکزی ماتمی جلوس پر امن انداز اچ اپنڑی منزل دے پاسے ٹردا پئے ۔شہر دے ڈوجھے حصیں اچ وی ماتمی جلوس کڈھیے ویندے پن ۔
