پی ایس ڈی پی دے تحت ریلویز ڈویژن دے ترقیاتی منصوبیں سانگے 9 ارب 37 کروڑ روپے جاری

اسلام آباد ۔ 14 اکتوبر (اے پی پی) وزارت منصوبہ بندی تے ترقیات اجوکے مالی سال 2016-17دے سرکاری شعبے دے تر قیاتی پروگراماں اچ ریلویز ڈویژن دے ترقیاتی منصوبیں سانگے مجموعی طورتے 9 ارب 37 کروڑ 87لکھ روپے توں ودھ دے فنڈز جاری کر ڈتے گے ہن ۔ حکومت اجوکے مالی سال اچ ریلویز ڈویژن دے ترقیاتی منصوبیں سانگے 41 ارب روپے دے فنڈز رکھیے ہن ۔ پلاننگ کمیشن توں جاری کیتے گے اعداد و شمار دے مطابق حکومت گوادر اچ ریلوے کوسٹل ہائی وے لائن سانگے 3 کروڑ 40 لکھ، سٹاف کوارٹرز دی تعمیر سانگے 6 کروڑ 30 لکھ، کول ٹرانسپورٹریشن سانگے 3 ارب 65 کروڑ، 2010 سیلاب توں متاثرہ املاک دی بحالی سانگے 89 کروڑ، کراچی۔خانپور ٹریک دی بحالی سانگے 17 کروڑ، ریلوے سٹیشن دی اپ گریڈیشن سانگے 10 کروڑ، رولنگ سٹاک اتے ٹریک دی بحالی سانگے 40 کروڑ ، 100 ڈی ای لوکوموٹو سانگے 51 کروڑ، 800 کوچ اتے 2000 ویگناں دی مرمت سانگے 25 کروڑ، پورٹ قاسم بن قاسم سٹیشن سانگے 53 کروڑ روپے سمیت مختلف ترقیاتی منصوبیں سانگے فنڈز جاری کر ڈتے ہن ۔