لاہور۔21 اکتوبر(اے پی پی )صوبائی وزیر امداد باہمی و چیئر مین چولستان ڈویلپمنٹ اتھارٹی ملک محمد اقبال چنڑ آکھے جو چولستانیاں کو ں وی ترقی دے دائرے اچ شمولیت دے مساوی موقعے ڈتے ویسن ، اتے انہاں دے حقوق دے تحفظ کوں ہر صورت یقینی بنڑایا ویسی ۔ چولستان دے لوکیں دے بنڑائے گئے فن پاریاں اتے پارچہ جات کوں وڈی سطح تے متعارف کراونڑکیتے سارے ملک اچ ڈسپلے مرکز بنڑائے ویسن اتے انہاں دیاں بنڑایا ں ہویاں چیزاں کوں بئے ملکاں اچ وی متعارف کرائیاں ویسن۔ آپنڑیں ہک بیان اچ انہاں آکھیا جو جنوبی پنجاب خاص طور تے بہاول پور دے لوکیں دیاں امنگاں دے مطابق ترقیاتی منصوبے پایہ پورے کیتے ویسن ۔ انہاں آکھیا جو چولستان دے لوکیںدے بنڑائے گئے مختلف طرح دے کپڑے ، چاداں اتے بئے پارچہ جات کوں سارے ملک اچ بہوں حد تئیں پسند کیتا ویندے ۔ انہاں دیاںبنڑایا ں ہویاں چیزاں کوں وڈی سطح تے متعارف کراونڑ کیتے اقدامات شروع کر ڈتے گئے ہن۔ جیندے نال اتھاں دے لوکیں اچ معاشی خوشحالی دا دور شروع تھی ویسی ۔
