راولپنڈی ۔ 9 اکتوبر (اے پی پی) چیف آف آرمی سٹاف جنرل راحیل شریف اتوارکوں کنٹرول لائن تے حاجی پیر سیکٹر اچ اگلے مورچیاںدا دورہ کیتا۔ پاک فوج دے شعبہ تعلقات عامہ(آئی ایس پی آر) دے مطابق چیف آف آرمی سٹاف اتھاں تعینات جواناں نال ملاقات کیتی۔ایں موقعے تے مقامی فارمیشن کمانڈراں انہاں یونٹاں دی آپریشنل تیاریاں بارے تفصیل نال ڈسایا۔ ایں موقعے تے چیف آف آرمی سٹاف لائن آف کنٹرول تے فوجیاں دے بلند حوصلے ،آپریشنل تیاریاں اتے چوکس راہونڑ تے تسلی دا اظہا کیتے ۔ ایں توں پہلے کور کمانڈر لیفٹنٹ جنرل ملک ظفر اقبال چیف آف آرمی سٹاف دا استقبال کیتا۔
