سنگا پور ۔ 18 اکتوبر (اے پی پی) چین عالمی مارکیٹ توں ایںسال 9سو توں ہک ہزار ٹن سونے دی خریداری کریسی۔ورلڈ گولڈ کونسل توں جاری ہک رپورٹ دے مطابق چین گزریل سال عالمی مارکیٹ توں 984.5 ٹن سونا خریدیا اتے ایں سال ایہ حجم 900 توں 1000 ٹن تئیں چلیا ویسی۔ادارے دے مطابق چین اتے بھارت سونے دے وڈے خریدار ہن جنہاں ایں سال دی پہلی ششماہی وچ عالمی مارکیٹ توں ریکارڈ 2335 ٹن سونا خریدیا ۔چین دی کرنسی یوآن(رینبی)دی قدر وچ گھٹکی دی وجہ نال چینی سرمایہ کار سونے دی خریداری وچ دلچسپی گھندے پن۔
