اسلام آباد ۔ 17 اکتوبر (اے پی پی) گزریل 10 سال اچ کارپٹس دی ملکی برآمدات اچ 50 فیصد توں ودھ دی کمی واقع تھئی ہے ۔ مالی سال 2005-06ء دے دوران کارپٹس دی برآمدات دا حجم 278 ملین ڈالر ہئی ، جیہڑی جو گزشتہ مالی سال دے دوران 97.68 ملین ڈالر تئیں گھٹ گھی گیا، ایں طرح برآمدات دا حجم وی 24 لکھ 93 ہزار مربع میٹر توں گھٹ تھی تے 19 لکھ 22 ہزار مربع میٹر تھی گئے اتے ایندے اچ 22.90 فیصد دی کمی ریکارڈ کیتی گئی ہے۔ عالمی منڈیاں اچ پاکستانی کارپٹس دا حصہ مسلسل گھٹ تھیندا پئے ، جیندے نال برآمدات متاثر تھیندیاں پن ۔ پاکستان کارپٹس مینوفیکچررز اینڈ ایکسپورٹرز ایسوسی ایشن (پی سی ایم ای اے) دی رپورٹ دے مطابق ایں ویلھے ملک اچ کارپٹ سازی دی تقریبا ہک لکھ 50 ہزار لومز کم کریندیاں پن ۔ جنہاں نال 2 لکھ 50 ہزار لوکیں دا روزگار جڑیا ہویا ہے ۔ پاکستان اچ تیار تھیونڑآلی کارپٹس دے وڈے درآمد کنندگان اچ امریکہ اتے یورپی ملک شامل ہن۔
