راولپنڈی ۔16 اکتوبر (اے پی پی) پاک فوج اتوار کوں کنٹرول لائن تے بھارتی فوج دی بلا اشتعال فائرنگ دا منہ بھن جواب ڈتے ۔ پاک فوج دے شعبہ تعلقات عامہ (آئی ایس پی آر) ولوں جاری پریس ریلیز دے مطابق بھارتی فوج آزاد کشمیر اچ لائن آف کنٹرول اُتے بھمبر سیکٹر دے علاقہ کھوئی رٹہ اچ بلااشتعال فائرنگ کیتی ۔ بیان دے مطابق فائرنگ دا تبادلہ سویلے ساڈھے 4وجے توں سویلے 7وجے تئیں جاری ریہا ، پاک فوج بھارتی فائرنگ دا منہ بھن جواب ڈتا۔ بیان دے مطابق بھارتی بلا اشتعال فائرنگ نال جانی نقصان دی کئی اطلاع کائنی ۔
