لاہور۔20 اکتوبر(اے پی پی ) پراونشل کو آپریٹو بنک فصل ربیع سانگے 2 ارب 50 کروڑ روپے دے قرضے زرعی کو آپریٹو سوسائٹیاں دے ذریعے آ سان شرائط تے تقسیم کر ڈتے ہن ،حالیہ مینھ دے نتیجے وچ جنہاں کاشتکاراں دیاں فصلاں کوں نقصان پجیاہے انہاں کوں تر جیح ڈتی ویندی پئی ہے تاں جو ا وہ متا ثرہ رقبے تے ودھ توں ودھ غذ ائی اجناس پیدا کر تے اپنڑے نقصان پورے کر سگن۔صو بائی وزیر کو آپریٹو ملک محمد اقبال چنڑ اپنڑی رہائش گاہ تے کاشتکاراں دے وفد نال ملاقات وچ آکھیا جو کو آپریٹو بنک دیاں ساریاںشاخاں کوں کمپیو ٹرائزڈ کر ڈتا گئے اتے اے ٹی ایم مشینیاں وی لا ڈتیاں گن ۔صوبے دے سارے بنک افسراں تے اہلکاراں دی ٹریننگ دا عمل وی جاری ہے ۔جیندی بنا ءتے بنک تکھی رفتار ترقی دا پیش خیمہ ثابت تھئے۔انہاں آکھیا جو بنک کاشتکاراں کوں زرعی آلات دی خریداری وچ وی قرضیاں دی فراہمی دا عمل جاری رکھئے ہوئے ہن۔
