اسلام آباد ۔5اکتوبر(اے پی پی) وزیراعظم محمد نواز شریف آکھیا جو معصوم لوکاں دے سینے چھلنی کرنڑ،انہاں دے چہرے مسخ کرنڑ اتے انہاں کوں اندھا کرنڑ نال کشمیر دی تحریک آزادی دا رستہ نی روکیا ونج سگدا،قومی سالمیت اتے غیر ملکی دفاع سانگے اساں ہک ہیسے،امن تے سلامتی دے دعویدار ساری عالمی قوتاں تے لازم اے جو انہاں قرارداداں کوں عملی جامعہ پواونڑ دا بلا تاخیراہتمام کرن،اساں وطن دی عزت تے حرمت دا قرض چکاونڑ سانگے ہک لمحہ دی وی دیری کائنا کریسوں،کشمیر مسلسل آتش فشاں آلی کار سلگدا پئے ،برہان مظفر وانی دے خون نال روشن تھیونڑ آلی شمع آزادی بھارت کوں ہک واری ولا اے سنھیا ڈتے جو مسئلہ کشمیر کوں طاقت نال دباونڑ دی بجائے عالمی برادری نال کیتے گئے وعدیاں دے مطابق استصواب رائے نال حل کرے،کشمیریاں دے حقوق دی پامالی عالمی برادری دی توہین اتے عالمی امن کوں درپیش خطریاں دا معاملہ اے،اگر اقوام متحدہ دے فیصلیاں کوں پیراں تلوں روندنڑ،عالمی عامہ کوں ٹھکراونڑ اتے طاقت دے زور تے انسان کوں غلام بنڑاونڑ دی روایت چل پئی اے تاں آپنڑے آپ کوں مہذب آکھنڑ آلی دنیا ہزاراں سال پچھوں چلی ویسی،اگر بھارت واقعی خطے اچ امن چاہندے تاں قوم اتے فعل دا تضاد دور کرے،اساں عوام ،مسلح فوج ،اساڈی سکیورٹی ایجنسیاں اتے اساڈی پولیس حتیٰ کہ اساڈے معصوم بالاں دا لہو دہشت گردی دے نذر تھیے،ہک ذ مہ وار ملک دی حیثیت نال اساں آپنڑے کردار کوں چنگی طرح سمجھدوں،اساں مستقل مزاجی نال قومی تعمیر تے ترقی تے رستے تے چلدے پیسے اتے چلدے رہسوں۔بدھ کوں پارلیمنٹ دے ڈوہیں ایواناں دے سانجھے اجلاس نال خطاب کریندیں ہوئیں آکھیا جو وزیر اعظم محمد نواز شریف آکھیا جینویں جو سارے معزز ارکان دے علم اچ اے جو پارلیمنٹ دے ڈوہیں ایوانان دے ایں سانجھے اجلاس دا فیصلہ مقبوضہ کشمیر دی صورتحال اتے بھارت دے جارحانہ اقدامات بارے کیتا گئے ۔اے حقیقت پوری دنیا تے واضح تھی گئی اے جو ست لکھ بھارتی فوج دے مظالم دے باوجود مقبوضہ کشمیر دی عوام دے حربیاں دے باوجود آپنڑے حقوق سانگے سر دھڑ دی بازی لاونڑ آلے سرفروشاں دا قافلہ آپنڑی منزل آلے پاسے ٹردا پئے۔آزادی دے کارواں دی قیادت کشمیریاں دی نینگر نسل سنبھال رکھی اے۔برہان وانی دی شہادت کشمیریاں دی تحریک کوں ہک فیصلہ کن موڑ تے گھن آئی اے۔انہاں آکھیا جو اساڈی ہر ممکن کوشش اے جو بھارت مذاکرات دی میز تے آوے،ولا ولا گالھ مہاڑ کیتی اتے خواہش کیتی جو بھارت دے رویے اساڈی کوششاں کوں اگوں نہ ودھنڑ ڈتا۔ولا ولا گالھ مہاڑ دا سلسلہ ترٹدا رہیا ،امن مذاکرات دے رستے اچ روڑے پاتے ویندے رہیے۔ولا ولا امن دی حوصلہ شکنی کیتی گیئی۔ایہو وجہ اے جو اج نہ صرف جنوبی ایشیا امن خطرے توں ڈو چار اے بلکہ دنیا وی ایں معاملے دی تپش محسوس کرنڑ لگی اے۔
