اسلام آباد ۔ یکم نومبر (اے پی پی) وفاقی وزیر منصوبہ بندی، ترقی تے اصلاحات پروفیسر احسن اقبال آکھیا جو حکومت ملک اچ سیاسی استحکام کوں یقینی بنڑاونڑ سانگے کوششاں کریندی پئی اے،پاکستان دی تریخ اچ تھیونڑ آلی ساریاں توں وڈی غیر ملکی سرمایہ کاری دا تحفظ بہوں ضروری اے،عوام پی ٹی آئی کوں عام اتے ضمنی انتخابات اچ مسترد کیتے۔منگل کوں ایچ ای سی بارے مشاورتی ورکشاپ اچ شریک تھیونڑ دے بعد اے پی پی نال گالھ مہاڑ کریندیں ہوئیں انہاں آکھیا جو ملک عدم استحکام دا متحمل نی تھی سگدا کیونجو ایں نال ارباں ڈالر دا ضیان تھیندے۔انہاں آکھیا جو پاکستان تحریک انصاف آپنڑے احتجاج اچ کلھی رہ گئی اے کیونجو ڈوجھی جماعتاں ایں توں پرے تھی گئین ۔انہاں پی ٹی آئی توں درخواست کیتی جو او پارلیمنٹ اچ واپس آوے کیونجو پارلیمنٹ ای مسئلیاں دا ہکو فورم اے۔انہاں آکھای جو سپریم کورٹ ملک دی اوکی سیاسی صورتحال دا نوٹس گھدے اتے سڑکاں تے آونڑ دا کوئی جواز کائنی ۔انہاں توقع کیتی جو عمران خان ،شیخ رشید دے ہتھوں یرغمال کائنا بنڑسن۔
