اسلام آباد ۔ 25 نومبر(اے پی پی)اسلام آباد سمیت مختلف علاقیں اچ 4.6 شدت دے زلزلے دے جھٹکے محسوس کیتے گے ہن ۔نجی ٹی وی چینل دے مطابق خمیس اتے جمعے دی وچلی رات 11وج تے 29منٹ تے اسلام آباد را ولپنڈی،اٹک ،سوات مالاکنڈ اتے ہری پوردے نیڑے زلزلے دے جھٹکے محسوس کیتے گے ہن ۔زلزلے دے جھٹکے پاروں عوام اچ ڈر کھنڈ گیا اتے لوک کلمہ پڑھدے ہوئیں گھراں توںباہر نکل آئے ۔ریکٹر سکیل تے زلزلے دی شدت 4.6ریکارڈ کیتی گی ۔زلزلے دا مرکز کوہ ہندو کش دے پہاڑی سلسلہ اچ 35کلومیٹر زیر زمین ہا ۔زلزلے پاروں کہیں قسم دے ضیان دی کوئی اطلاع کائنی ملی ۔
