اقوام متحدہ اچ پاکستان دی مستقل مندوب ڈاکٹر ملیحہ لودھی دی اقوام متحدہ دے ڈپٹی سیکرٹری جنرل اتے سیکرٹری جنرل دے چیف ڈی کیبنٹ کوں بریفنگ

پاکستان بھارتی فوج ولوںآزاد کشمیر اچ مسافر بس اتے ایمبولینس تے حملے دا معاملہ اقوام متحدہ اچ چا تا
مسافر بس اتے ایمبولینس کو ںنشانہ بنڑاونڑ بین الاقوامی قنون دی سنگین خلاف ورزی ہے، کنٹرول لائن تے کشیدگی اچ ودھارے بھارت ولوں مقبوضہ کشمیر اچ وڈے پیمانے انسانی حقوق دی خلاف ورزی نال عالمی برادری دی توجہ ہٹاونڑ دی سوچی سمجھی کوشش ہے
اسلام آباد ۔ 24 نومبر (اے پی پی) پاکستان آزاد کشمیر اچ کنٹرول لائن دے نیڑے بھارتی فوج ولوں ہک مسافر بس تے ہک ایمبولینس کوں نشانہ بنڑاونڑ دا معاملہ اقوام متحدہ اچ چیندے ہوئیں ایں بھارتی اقدام کوں بین الاقوامی قنون دی سنگین خلاف ورزی قرار ڈتا ہے ۔اقوام متحدہ اچ پاکستان دی مستقل مندوب ڈاکٹر ملیحہ لودھی اقوام متحدہ دے ڈپٹی سیکرٹری جنرل جان الیاسن اتے سیکرٹری جنرل بان کی مون دے چیف ڈی کیبنٹ ایڈمنڈ مولے کوں بریفنگ ڈیندے ہوئیں آکھیا ہے جوکنٹرول لائن تے بھارتی فوج دیاں جارحانہ کارروائیاں خصوصاً مسافر بس اتے ایمبولینس تے حملہ بین الاقوامی قنون دی سنگین خلاف ورزی جاری ہے۔ اقوام متحدہ اچ پاکستانی مشن ولوں جاری بیان دے مطابق ڈاکٹر ملیحہ لودھی آکھیا جو خصوصاً زخمیاں کوں ہسپتال منتقل کرنڑ سانگے بھیجی گیاں ایمبولینس کوں نشانہ بنڑاونڑ گھناﺅنا اقدام اتے انتہائی بنیادی انسانی قوانین دی خلاف ورزی ہے۔ انہاںآکھیا جوکنٹرول لائن تے بھارت ولوںپیداکردہ صورتحال بین الاقوامی امن تے سلامتی سانگے وی سنگین خطرہ ہے۔ کنٹرول لائن تے کشیدگی اچ ودھارا بھارت ولوں مقبوضہ اچ وڈے پیمانے تے انسانی حقوق دیاں خلاف ورزیاںنال عالمی برادری دی توجہ ہٹاونڑ دی سوچی سمجھی کوشش ہے ۔ انہاںآکھیا جواجوکی کارروائی ایں لحاظ نال وی ودھ گھناﺅنی ہے جو ایںاچ بھارتی فوجیاں عام شہریاں کوں نشانہ بنڑایا ہے۔ اقوام متحدہ دے سینئر حکام وی ایں تشویش دا اظہار کیتا پاکستان تے بھارت وچال کنٹرول لائن تے صورت حال کنٹرول توں باہر تھی سگدی ہے۔ ایندے علاوہ اثناءپاکستان بھارت تے پاکستان اچ قوام متحدہ دے فوجی مبصر مشن کو ں وی متحرک کرنڑ دا مطالبہ کیتاگیا تے آکھیا جو او کنٹرول لائن تے سیز فائر دی چنگی نگرانی کرے ۔ پاکستانی مندوب اقوام متحدہ دے حکام کو ںکشمیریاں دی تحریک آزادی دی تازہ ترین صورتحال بارے وی ڈسایا۔ انہاںآکھیا جو8جولائی کو ںنوجوان کشمیری رہنما برہان وانی دی شہادت دے بعد مقبوضہ کشمیر دے طول تے عرض اچ نماز جنازہ دی ادائیگی اتے بھارتی فوجیاں ولوں انہاںدے قتل دے خلاف خلاف احتجاج تے مقبوضہ کشمیر اچ لکھاں بھارتی فوجی طاقت دا اندھا دھند استعمال کریندے پئے ہن ۔ پاکستانی مندوب آکھیا جو اقوام متحدہ ایں صورتحال کوں ہک پورے جھیڑے دی صورت اختیار کرنڑ توںپہلے موثر اقدامات کرے۔