اسلام آباد ۔ 16 نومبر (اے پی پی) الیکشن کمیشن عمران خان اتے جہانگیر ترین دی نااہلی دے ریفرنس دی سماعت 22 نومبر تئیں ملتوی کریندے ہوئیں انہاں توں جواب منگ گھد ہے ۔بدھ کوں الیکشن کمیشن اچ چیف الیکشن کمشنر جسٹس (ر) سردار رضا خان دی سربراہی اچ بینچ تحریک انصاف دے سربراہ عمران خان دے خلاف مسلم لیگ (ن) دے رہنما طلال چوہدری اتے بئے ولوں ریفرنس دی سماعت کیتی ۔عمران خان دے وکیل بنچ دے سامنڑے پیش نہ تھئے جنہاں جواب سانگے مزید مہلت منگ گھدی ہے انہاں کوں 22نومبر تئیں جواب داخل کرنڑ دی مہلت ڈتی گی ہے ۔ایں طرح تحریک انصاف دے جہانگیر خان ترین دے خلاف محمد خان ڈاہا اتے بئے ولوں قومی اسمبلی توں رکنیت دی نااہلی دے ریفرنس دی سماعت تھی ۔جہانگیر خان ترین دے وکیل آکھیا جو انہاں دے موکل دے خلاف ریفرنس دائر کرنڑ آلے درخواست گزار اتھاں موجود کائنی جیں توں ثابت تھیندا ہے جو انہاں دی ایں کیس اچ دلچسپی کائنی ایں سانگے اینکوں خارج کیتا ونجے جیں تے چیف الیکشن کمشنر آکھیا جو گزریل پیشی تے وی درخواست گزار موجود کائناں ہن ۔ایندے تے بنچ انہاں کوں نوٹس جاری کریندے ہوئیں سماعت 22نومبر تئیں ملتوی کر ڈتی۔الیکشن کمیشن اچ کیپٹن ( ر ) محمد صفدر دے خلاف درخواست دی سنڑیج وی 22نومبر تئیں ملتوی کر ڈتی گی ۔
