اسلام آباد ۔ 13نومبر (اے پی پی) وفاقی وزیرخوراک و زراعت سکندر حیات بوسن آکھے جو ایں سال مختلف فصلاں دی پیداوار بہوں چنگی ہے ۔ ملتان اچ صحافیاں نال گالھ مہاڑ کریندے ہوئیں سکندر حیات بوسن آکھے جو حکومت زرعی پیداوار اچ ودھارے کیتے پرعزم ہے جڈانجو مجموعی ملکی پیداوار اچ زرعی شعبے دے حصے کو ں ودھایا ونج سگدے ۔ انہاں دا بیا آکھنڑ ہئی جو وفاق اتے پنجاب دی سطح اُتے کسان دوست پیکیج نال زرعی شعبے دی بہتری کیتے حکومت دے عزم دی عکاسی تھیندی ہے ۔ ہک سوال دے جواب اچ انہاں آکھیا جو گنے اتے ڈوجھیاں فصلاں دیاں قیمتاں دا تعین صوبائی حکومتاں کریسن۔
