اسلام آباد ۔ 29 نومبر (اے پی پی) بری فوج دے سربراہ جنرل قمر جاوید باجوہ آکھیا جو لائن آف کنٹرول دی صورتحال بہوں جلدی ٹھیک تھی ویسی،ملکی سلامتی بارے معاملیاں اچ میڈیا مثبت کردار نبھاوے،میڈیا کوں نال گھن تے ٹرسوں۔او منگل کوں چیف آف آرمی سٹاف دی کمان سانبھنڑ دے بعد تقریب دے چھیکڑ تے میڈیا نال غیر رسمی گالھ مہاڑ کریندے پئے ہن ۔انہاں آکھیاجو میڈیا کوں چاہیدے جو او قومی سلامتی بارے معاملیاں تے مثبت رپورٹنگ کرن ،اساں الیکٹرانک اتے پرنٹ میڈیا کوں نال گھن تے ٹرسوں۔
