اسلام آباد ۔ یکم نومبر (اے پی پی) بھارتی ڈپٹی ہائی کمشنر جے پی سنگھ دی دفتر خارجہ طلبی،لائن آف کنٹرول تے مسلسل بلا اشتعال سیز فائر دی خلاف ورزی تے شدید احتجاج ریکارڈ کرایا۔دفتر خارجہ دے ترجمان دے مطابق ڈائر یکٹر جنرل جنوبی ایشیاء و سارک ڈاکٹر محمد فیصل منگل کوں بھارتی ڈپٹی ہائی کمشنرکوں سڈیا اتے 31اکتوبر کوں بھارتی فورسز ولوں ایل او سی اچ نکیال جند روٹ سیکٹر تے بلا اشتعال سیز فائر دی خلاف ورزی دی مذمت کریندیں ہوئیں احتجاجی مراسلہ انہاں دے حوالے کیتا۔بھارتی فورسز دی بلا اشتعال فائرنگ نال چھ سو یلین شہید اتے اٹھ زخمی تھیے۔ڈائریکٹر جنرل بھارت تے زور ڈتا جو او سیز فائر دے معاہدے دی پابندی کرے اتے سیز فائر دے خلاف ورزیاں دی تحقیقات بارے پاکستان کوں آگاہ کرے اتے آپنڑی فوج کوں سیزفائر معاہدے دی پاسداری تے عملدرآمد دا پابند بنڑاوے اتے دانستہ دیہاتاں اتے سویلین کوں نشانہ بنڑاونڑ توں باز رہے ۔
